मती ओजाःतेरा भगवानराः नपाय सरवन 10:27 - Korwa Bible

²⁷ ईंग अपे एचेरे अंदरारेयिंग उदुःवापेतना, हना बड़रा अपे मरसलरेपे कता उदुःवाकू। अरू अपे अँननपेराः लुतूररे जहड़ घड़ीनपे अयूमकेरा हना बड़रा सड़ुम चोटतेपे परसारगे।

मती ओजाःतेरा भगवानराः नपाय सरवन 10:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:17

तोनोंगीग होड़ सड़ुम सेरमोरेय दोहोन दो, हाँय हंडा अते उतरावकियानखन अनँयग ओड़ाः अते तोनोंगाः जिनिस अलोय उडुंगे,

लूका 12:3

अपे अंदरारेपे कताकेरा हना बड़रा मरसलरेकू अयुमेता। अरू अपे ओड़ाः छिनारे जहड़नेनखनपे कताकेरा हना बड़रा सड़ुम चोटतेकू परसारगेता।

लूका 8:10

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

एहुना 16:1

अपे बिसवास अहापे अड़ाःगे लगा नाःआ कता अपे एचेरेयिंग कता उदुःकेरा।

एहुना 16:13

मनदो सतायराः बिरुवा वेग दो अपे जमा बरानाः सताय दूरे उदुःवापेता। हाँय अनँयग ओंगोलते ओरोय कतातेरा। मनदो हाँय अयुमेता हनानाःए कता उदुःगेता अरू दरवाःआ हना कताकून होंय कता उदुःगोडता।

एहुना 16:25

नुँहू वरी ईंग अउल-तउल कतायिंग कताकेरा। मनदो ईंग अपे एचेरे अउल-तउल कता ओरोयिंग कतातेरा अरू ईंग अपांग बदीरे मीसुटीयिंग कता उदुःवापेता हना बेला निचकाःतना।

एहुना 16:29

दो चेलाकूतेन हाँय एचेरेकू कतातेड, “अहाँ! नुँहू दो आम बेगर अउल-तउलते मीसुटीम कतागोतेडा।

मूक चेलाकू 17:17

हनालगा हाँय एहूदाकूराः अरजी ओड़ाःरे एहूदाकू अरू भगवानकू मान मरजइतता हँकुःआ बेगर एहूदाकू सुदा भगवानराः सरवने कता उदुः ञवना अरू सगर दिन हाँय बजाररे जुमाःतो होड़कू एचेरे भगवानराः सरवने कता उदुःतेरा।

मूक चेलाकू 5:20

हँकू एचेरेय कतातेरा, “दूपे, अपे भगवान ओड़ाःरेपे सेन अरू हंडा चड़ाँकियानखन नाःआ नँवा जीवराः कताकून जमा होड़कू एचेरेपे कता उदुःगे।”

मूक चेलाकू 5:28

अरू मूक पुजउरी हँकू एचेरेय होंबोरतेरा, “अपे एचेरे मड़ंग मेरले कतागाड जा, ईसूराः ञावते अपे होड़कू अहापे चेडकू, माःआन? अरू अपे एरुसलेम सहररिकुःआ जमा होड़कूराः लुतूर पेरेगवामिनपे चेडगोतेडकुःआ। नाःआते अपे गोएगनेना हाँयग होड़राः डंड अले चोटरे लछावगे लगापे ओंगलेतना जा?”

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।