मती ओजाःतेरा भगवानराः नपाय सरवन 10:2 - Korwa Bible

² हँकुःआ मूक चेलाकूराः ञावकून ननानाः हवे; मड़ंगीग सिमोन (हाँयराः एटाः ञाव दोहोना पतरस), अरू आँयगरीग बोहोत अंदरियास, जबदीरीग बेटात एकूब अरू आँयगरीग बोहोत एहुना,

मती ओजाःतेरा भगवानराः नपाय सरवन 10:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:1

छो दिन तयोमरे ईसू, पतरस, एकूब अरू एकूबरीग बोहोत एहुना सुदा मीटोंग उसूल पहाड़ सेरमो एकलाय गोःयाडकू।

मती ओजाःतेरा भगवानराः नपाय सरवन 20:20

हनते जबदीरिकिनाः बेटाकिनरीग एंगात बेटाकिनतेन सुदा ईसू एचेरेय सेनेडा अरू ईसू मड़ंगरे उकुड़ोमकियानखन हाँय एचेरे तोनोंगाःय असेतेरा।

मती ओजाःतेरा भगवानराः नपाय सरवन 26:37

हनते ईसू पतरस अरू जबदीरिकिनाः बार होड़ बेटाकिन एकूब अरू एहुना आँयग सुदा तोरेरेय गोःयाडकू अरू हाँयराः जीव मुरुक हुडिंगयान अरू कटसियायान।

मती ओजाःतेरा भगवानराः नपाय सरवन 4:18

मी दिन ईसू गलीलराः हुडिंग समुंदर धरी धरीय सेन मेला बार होड़ वगीयाकिने ञेलतेरा। मी होड़राः ञाव दोहोना सिमोन अरू हनाँयकू कतावा पतरस। अरू बोहोतराः ञाव दोहोना अंदरियास। दो हँकिन केंवटाकिन दोहोना अरू जालते हकूकू दाःआ।

मती ओजाःतेरा भगवानराः नपाय सरवन 4:21

हनते हँकू अरू तोरेकू सेनेड दो जबदीरिकिनाः बेटाकिन एकूब अरू एहुना, ईसू ञेलतेडकिना। हँकिन अपात सुदा डोंगारे दुड़ुःकेडखन जालकू तुला सोझावा। दो ईसू हँकिन होंय राःतेरा,

मरकूस 1:29

ईसू अरू आँयग चेलाकू अरजी ओड़ाः अते उडुंगवाडखन सिमोन पतरस अरू अंदरियासराः ओड़ाःरेकू सेनेडा। हँकू सुदा एहुना अरू एकूब हों दोहोना।

मरकूस 13:3

ईसू भगवान ओड़ाःराः मड़ंग तोरेरे जइतून पहाड़रेय दुड़ुःकुःआ। हनमेला पतरस, एकूब, एहुना अरू अंदरियास हाँय एचेरे सेनेवाडखनकू होंबोरतिरिया,

मरकूस 6:30

तयोमरे ईसूरिकुःआ मूक चेलाकू हाँय एचेरेकू जुमावनेना अरू हँकू एचेतेरा अरू होड़कूकू चेडतेरा हना जमाकू उदुःवातेरिया।

लूका 11:49

हनालगा भगवान आँयगराः कनहूनतेय कताकेरा, ईंग हँकू एचेरे ईंगराः बड़रा कता होड़कू अरू मूक चेलाकूयिंग वारता। अदोमकूकू ञेड एंडाकूता अरू अदोमकूकू संतावकूता।

लूका 22:14

पसहा जोमराः बेला होयानेन दो ईसू आँयगरिकुःआ चेलाकू सुदा जोम लगाय दुड़ुःयान।

लूका 22:8

ईसू, पतरस अरू एहुना नाःआ इया कतावातेडखने वारतेडकिना, “अबा सेनेवाडखन पसहा परोबरे अबू जोम लगा सरबहा हतड़ेबा।”

लूका 5:10

नँकूरिकुःआ सउंगताकूरे जबदीरिकिनाः बेटाकिन एकूब अरू एहुना हों दोहोना। अरू हँकिन होंकिन ञेल बयावयान। दो ईसू सिमोन एचेरेय कताया, “अहम बोर! तिसिंग वरीते आम हकूकू ओरोम साबतेडकुःआ मनदो तिसिंग वरीते आम ईंग अगी होड़कू राः अगूदारिंग बड़ाँवमेता।”

लूका 9:10

ईसू वारतेडकुःआ हँकुःआ मूक चेलाकूतेन कुदा वेगयान अरू हँकू चिल चिलाकू एचेतेरा हना ईसू एचेरेकू उदुःतेरा। अरू ईसू हँकू हिगारतेडकूखन बेतसइदा सहररेय गोःयाडकू।

एहुना 12:22

दो पिलिपूस, अंदरियास एचेरेय कतातेरा अरू हँकिन बना होड़ सेनेकियानखन ईसू एचेरेकिन कतातेरा।

एहुना 13:23

ईसू एटाः चेलाकू अते बगराय दुलारगेया हाँयग चेला ईसूराः कुड़ोम अगी तेंदारनेनखने दुड़ुःकुःआ।

एहुना 20:2

दो हाँय बतकाव सेनेडखन सिमोन पतरस अरू ईसू मुरुके दुलारगेया हाँयग चेला, हँकिन एचेरेय कता उदुःतेरा, “ने वगीयाकिन, तोनोंगीग परबू ईसूराः मुरदा हना लात अते उडुंगकेडखने गोःयडा अरू अले मेरले सुसुदीतना, हना करेय मंडावगोतेडा।”

एहुना 21:2

सिमोन पतरस, दिदिमूस माःआनकू कतावाया हाँयग तोमा, गलील छतरराः काना सहररीग नतनएल, जबदीरिकिनाः बेटाकिन, अरू बार होड़ एटाः चेलाकिन हों मिनीरेकू जुमावनेना।

एहुना 21:20

हनते पतरस उलटावनेनखने ञेला दो ईसू मुरुके दुलारगेया, हाँयग चेला आँयगराः तयोम तयोम वेगतोय ञेलतिरिया। (हनाँयग चेला मड़ंगरे बियाड़ी जोम मेला ईसूराः कुड़ोम अगी तेंदारनेनखने होंबरेःआ, ने परबू, इये आमे एचे साबमेता, माःआन।)

एहुना 21:24

नाःआ कताकून बदीरे हिदइते उदुःकेरा अरू नाःआ कताकूने ओजाःकेरा हाँयग चेला ननाँय हवे। अबू सुदीयतना हाँय ओजाःकेरा हना जमाकून सताय हवे।

एहुना 6:67

दो ईसू आँयगरिकुःआ बारहगोटोंग मूक चेलाकू एचेरेय कताया, “अपे हों ईंग अड़ाः एंडाकिडिंगखन सेन लगापे ओंगलेतना जा?”

एहुना 6:70

दो ईसू कतातेड, “ईंग इनिंगते अपे बारहो होड़कूयिंग सुनावकेडपेःआ। हनारे हों अपे अते मी होड़ कलउरीग होड़ हवे।”

एहुना 6:71

(ईसू बारहो मूक चेलाकू अते मी होड़ सिमोन इसकरियोतीरीग बेटात जूदा बदीरेय कतातेरा। अरू हाँय तयोमरे ईसूय एचे साबतिरिया)।

एहुना 6:8

ईसूरीग चेलाकू अते मी होड़ अंदरियास, सिमोन पतरसरीग बोहोत, ईसू एचेरेय कतातेड,

मूक चेलाकू 1:13

हँकू हंडाकू सोदोरनेन दो हँकू डेरानेना हना ओड़ाःराः सेरमो छिनारेकू सेनेडा। हंडा ईसूरिकुःआ मूक चेलाकू सिमोन पतरस, एहुना, एकूब, अंदरियास, पिलिपूस अरू तोमा, बरतुलमाय अरू मती, हलपाइरीग बेटात एकूब अरू जेलोतेस माःआनकू राःगेया हाँयग सिमोन अरू एकूबरीग बेटात जूदा, हों दोहोना।

मूक चेलाकू 1:26

हनते हँकू लुंबाड़ लगा चीट-पोटतेडकू अरू हनाते मतियाहकू लुंबाड़तेरा। अरू हाँय गारहगोटोंग मूक चेलाकू सुदाय मेसायान।

मूक चेलाकू 12:2

अरू हाँय एहुनारीग वगात एकूब, तलवइरतेय भोका ञेड एंडातिरिया।

मूक चेलाकू 3:1

मी दिन पतरस अरू एहुना ढड़काः बेला भगवान ओड़ाः अगी अरजी बेलारेकिन सेनेडा।

1 कुरिंती 15:7

हनते हाँय एकूब एचेरेय एचे ञेलनेना। अरू हना तयोमरे हाँय अनँयगरिकुःआ जमा मूक चेलाकू एचेरेय एचे ञेलनेना।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

2 एहुना 1:1

भगवान सुनावतिरिया हाँयग अइमी अरू आँयगरिकुःआ लइंकू लगा ईंग अगुवा होड़, नाःआ चिठीयिंग ओजाःगेतना। ईंग अपे मुरुकिंग दुलारपेतना। मनदो ईंग एकला कोवान, भगवानराः सताय कताकू सुसुदीतना हँकुःआ जमा होड़कू हों ईंग सुदाकू दुलारपेता।

3 एहुना 1:1

ईंग मूक होड़, सतायिंग दुलारगेयतना ईंगरीग सउंगता गयूस लगा नाःआ चिठीयिंग ओओजाःतना।

उदुःतो कताकून 1:1

ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 18:20

ने सेरमो देसरिकुःआ, अरू भगवानरिकुःआ सुद होड़कू, ईसूरिकुःआ मूक चेलाकू अरू भगवानराः बड़रा कता होड़कू, हाँय अपे सुदाय एचेतेरा, हनन इया भगवान हँकूय एमे बदलावारा। हनालगा अपे बनाहालतेपे दोहोन।”

उदुःतो कताकून 22:8

ईंग एहुना, नाःआ जमा कताकूनिंग अयूमकेरा अरूयिंग ञेलकेरा। ईंग नाःआयिंग अयूमतेड अरूयिंग ञेलतेड दो, ईंगे उदुःवातेरा हाँयग सेरमो देसरीग बराहीलराः काट कुटीरे हाँय जागगे लगायिंग तबेरयान।