मती ओजाःतेरा भगवानराः नपाय सरवन 10:19 - Korwa Bible

¹⁹ हँकुःआ होड़कू कोट कछेरीरे अपेकू इदीता हनमेला अपे चिला कता इदा हना बदीरे अपे अहापे ओंगोल दोहोगे। हनमेला अपेके हँकू सुदा बड़रा लगा कनहून भगवान एमेवापेता।

मती ओजाःतेरा भगवानराः नपाय सरवन 10:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:18

अरू ईंग ञाव बदीरे राजाकू अरू हातपात होड़कू मड़ंगरे अपेकू ओर गोःयाता। हनमेला अपे हँकू एचेरे अरू बेगर एहूदाकू एचेरे ईंगराः हिदइतदारकूपे दोहोनता।

मती ओजाःतेरा भगवानराः नपाय सरवन 6:25

हनालगा अपे एचेरे ईंग कतायतना, अपे अँननपेराः जीव लगा अलोपे ओंगोल कुहकाः, अले चिलाले जोम अरू चिलाले ञू, माःआन। अरू अपे अँननपेराः देह लगा अलोपे ओंगले, अले चिलाले तुसिंग, माःआन। जीव, जउः अते अरू देह, सोनहे अते मरंग कोवानेःआ जा?

मती ओजाःतेरा भगवानराः नपाय सरवन 6:31

हनालगा अपे कुहकाः घड़ीन नाःआ इया अलोपे ओंगले, अले चिलाले जोम अरू चिलाले ञू अरू चिलाले तुसिंग, माःआन।

मती ओजाःतेरा भगवानराः नपाय सरवन 6:34

हनालगा अपे गपाःआ कता लगा अलोपे ओंगोलगोड ञवन। गपा लगा गनापापे ओंगले। तिसिंग ओंगले लगा तिनिसिंगाःआ कटसिया बगरा इदा।

लूका 12:11

एटाः होड़कू अपे साब गोःकेडपेखन अरजी ओड़ाःरे अरू अदालइत ओड़ाःरे अरू नेताकू मड़ंगरेकू एचे चड़ाँपे दो, हनमेला अलोपे ओंगोल दोहोगे, माररे अबू चेले माःआनबू कतायता, माःआन।

लूका 12:12

दो हननमेला सुद बिरुवा अपे उदुःवापेता चेले माःआन ककता इदा, हना।”

मूक चेलाकू 6:10

मनदो हाँय हँकूराः कताकून कता कुदागे लगा भगवानराः सुद बिरुवा हाँय कनहूने एमेवातिरिया। हनालगा हँकू हाँय एचेरे मेरकू कता कुदा अवेगाड।

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

एकूब 1:5

मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।