मती ओजाःतेरा भगवानराः नपाय सरवन 10:17 - Korwa Bible

¹⁷ अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

मती ओजाःतेरा भगवानराः नपाय सरवन 10:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:18

अरू ईंग ञाव बदीरे राजाकू अरू हातपात होड़कू मड़ंगरे अपेकू ओर गोःयाता। हनमेला अपे हँकू एचेरे अरू बेगर एहूदाकू एचेरे ईंगराः हिदइतदारकूपे दोहोनता।

मती ओजाःतेरा भगवानराः नपाय सरवन 20:19

अरू बेगर एहूदाकूराः तिःईरेकू जिमागेयता अरू लंदा एरंगवा घड़ीनकू ञेडेयता अरू कुरूसरेकू ठोंकाव गोजेयता। मनदो पेय दिनरेय जियाव रिमुःता।”

मती ओजाःतेरा भगवानराः नपाय सरवन 23:34

हनालगा ईंग अपे एचेरे भगवानराः बड़रा कता होड़कू अरू कनहूनदारकू अरू चेडदार होड़कूयिंग वारकूतना। अपे अदोम होड़कूपे ञेड एंडागोडता अरू अदोम होड़कू कुरूसरेपे ठोंकावगोडकूता। अपे अदोम होड़कू अपेराः अरजी ओड़ाःकूनरे गुरुंदतेपे ञेडकूता अरू मी सहर अते एटाः सहर अगी हँकूपे झुटियावता।

मती ओजाःतेरा भगवानराः नपाय सरवन 26:59

मरंग पुजउरीकू अरू मरंग पंचाइतरिकुःआ जमा होड़कू ईसू ञेड एंडागेय लगा हाँय बदीरे लबरा हिदइतकू ञामा।

मती ओजाःतेरा भगवानराः नपाय सरवन 5:22

मनदो अपे ईंगपे अयूम, तोनोंगीग होड़ अनँयगरीग सउंगता सुदाय रीस जुवाः, दो हाँय कोट कछेरीरे डंडे पवाःता। अरू तोनोंगीग होड़ अनँयग सउंगताय बेग-हतावा, हाँय मरंग पंचाइतरे डंडे पवाःता। अरू तोनोंगीग होड़ अनँयग सउंगता एचेरे, ने बुयांग होड़, माःआने कताय दो, भगवान हाँयग होड़ नरगराः सेंगेलरेय सोलोंगगोडेयता।

मरकूस 13:12

वगात अनँयग बोहोत अरू अपात अनँयग बेटा ञेड एंडा लगाकू इदीता। लइंकू अँननकूरिकुःआ एंगात अपातकू हिनइस-बिनइसवाता अरू हँकूकू एचे ञेड गोएगगोडकूता।

मरकूस 13:9

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

लूका 12:11

एटाः होड़कू अपे साब गोःकेडपेखन अरजी ओड़ाःरे अरू अदालइत ओड़ाःरे अरू नेताकू मड़ंगरेकू एचे चड़ाँपे दो, हनमेला अलोपे ओंगोल दोहोगे, माररे अबू चेले माःआनबू कतायता, माःआन।

एहुना 11:47

हनते मरंग पुजउरीकू अरू फरीसी होड़कू अँकूराः मरंग पंचाइत राःतेडखनकू कताया, “अबू नाँय करा इयाबू करजेय? नाँयग होड़ दो मुरुक बयाव जुवाः इयाःआ बुताकूने एचेयतना।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।

मूक चेलाकू 22:19

मनदो ईंग कता कुदातेरा, परबू नँकुःआ होड़कू सुसुदीतना ईंग मीटोंग अरजी ओड़ाः अते एटाः अरजी ओड़ाःरे सेनेवाडखन आम एचेरेकू बिसवासतेरा हँकुःआ होड़कू ईंग ञेडतेडकूखन जेहेलरेयिंग एचे सींगतेडकुःआ।

मूक चेलाकू 26:11

अरू ईंग मीटोंग अरजी ओड़ाः अते एटाः अरजी ओड़ाः सेनेडखन हँकूयिंग संतावा अरू ईसूराः बदीरेयिंग एचे ओपताकुःआ। हँकू बदीरे ईंगराः रीस मुरुक दोहोना अरू हँकू संतावकू लगा एटाः एटाः राइजराः सहरकूनरे होयिंग सेनेडा।”

मूक चेलाकू 9:2

हनालगा हाँय मूक पुजउरी एचेरे सेनेडखने कतातेड, “दिमसकूसराः अरजी ओड़ाःरिकुःआ हातपात होड़कू लगा मीटोंग चिठी ओजाःकेडखन ईंगमे एमेवा जेमहा, हना सहररे ईसू एचेरे बिसवासकेडखन हना दूररेकू सेनता हँकुःआ होड़कू, मरदकू अरू अइमीकू साबकेडखन तोल रहावकेडकूखन एरुसलेम अगींग एचे कुदा अवेकू।”

पिलिपी 3:2

खखतना लगाकू कतायता हँकुःआ कुतुकू इया बेलूर होड़कू अते सवासितीपे दोहोन।

2 तिमुतियूस 4:15

अले चेडतिरिया हना सरवन हाँय मुरुके हिनइस-बिनइसवारा। हनालगा आम हाँय अते सवासितीम दोहोन।

इबरानी 11:36

हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।