मती ओजाःतेरा भगवानराः नपाय सरवन 1:21 - Korwa Bible

²¹ हाँय मी होड़ हेरेल होने हेवेता अरू हाँय अनँयगरिकुःआ होड़कू अँनकूराः कसूर अतेय सडावकूता। हनालगा आम हाँयराः ञाव ईसू माःआनमे साबगे।”

मती ओजाःतेरा भगवानराः नपाय सरवन 1:21 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:25

मनदो मरियम लँइग अरीने जनमावगेय वरी, उसूप हाँय सुदा मेरेय गेतेगा। दो लँइग होयानेन तयोमरे उसूप हाँयग लँइगराः ञाव ईसू माःआने साबतेरा।

लूका 1:13

सेरमो देसरीग बराहील हाँय सुदाय बड़रानेना, ने जकरिया, भगवान आमराः अरजीय अयूमकेरा। हनालगा आम अलोम बोर। आम अइमी इलिसिबाके मी होड़ हेरेल होन होयाःता अरू हाँयराः ञाव एहुना माःआनमे साब।

लूका 1:31

अयुमेमे! आम भरी-पावगुःताम अरू आम एचेरे मी होड़ हेरेल होन जनमावगुःता। हाँयराः ञाव दोहोनता ईसू।

लूका 2:11

तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी।

लूका 2:21

मरियम भरी-पावगुः अते मड़ंग, सेरमो देसरीग बराहील लँइगराः ञाव ईसू माःआन साब लगाय कतातेरा। दो हाँयग लँइग आठ दिनरे एहूदाकूराः रिती-बिधी इयाकू खतनातिरिया। दो हाँयराः ञाव, ईसू माःआनकू साबतेरा।

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

एहुना 4:42

हनते हँकुःआ होड़कू हाँयग अइमी एचेरेकू कतातेरा, “आम अले एचेरेम कतातेरा हना एकलाते मेरले बिसवासगेतना। नुँहू अले अँननले अयूमतेरा अरू अँननले सुदीगोतेडा, सतायतोरे नाँयग होड़ चउंदीसरिकुःआ होड़कूरीग सडावदार हवे, माःआन।”

मूक चेलाकू 13:23

अरू हाँयग दाऊद राजारिकुःआ नइड़-बाँस होड़कू अते इसराएल होड़कू लगा, भगवान जबानतेरा हना इया, मी होड़ सडावदार ईसूय एमेतेरा।

मूक चेलाकू 3:26

भगवान आँयग बेटात ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”

मूक चेलाकू 4:12

नाःआ चउंदीसरे होड़कू सडाः लगा अरू एटाः ञाव कोनोवानेःआ अरू अबू सडाव अवे लगा हाँय अड़ाःकेडखन तोनोंगीग एटाः होड़ कोवाया।”

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

1 एहुना 3:5

अपे सुदीयतना ईसू मसी अबूराः कसूर चलाःगे लगा नाःआ चउंदीसरेय वेजेडा अरू हाँय एचेरे तोनोंगाः कसूर कोवानेःआ।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”