लूका 9:6 - Korwa Bible

⁶ दो हँकुःआ मूक चेलाकू एटाः एटाः गाँव अगी तोराकू अरू नपाय सरवन उदुःवाडखन बेमारीतेकू दोहोना हँकुःआ होड़कूकू एचे नपायतेडखनकू सलाःआ।

लूका 9:6 ပူးပေါင်းရင်းမြစ်များ

मरकूस 16:20

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

लूका 8:1

हना तयोमरे ईसू एटाः एटाः गाँवकूनरे अरू सहरकूनरेय सेनेडा। हाँय होड़कू एचेरे सेनेडखन, भगवानराः राइजराः नपाय सरवने परसारतेरा। अरू ईसू सुदा आँयगरिकुःआ बारहो मूक चेलाकू हों दोहोना।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

मूक चेलाकू 5:15

मूक चेलाकूराः बयाव जुवाः इयाःआ बुताकून अते होड़कू अँननकूरिकुःआ बेमरियाकू दूर संडक गतररेकू अगूतेडकुःआ अरू होनोयाःकून करे पतरस हना दूर सेन होले हाँयराः उंबूल हँकू एचेरे पराः लगा खटी अरू पटियारेकू एचे गेतेगकेकुःआकू।