लूका 9:50 - Korwa Bible

⁵⁰ दो ईसू कतातेरा, “तोनोंगीग अपे मेरेय घंटावपेता हाँय अँननपेरीग होड़ हवे। हनालगा हाँय अहापे रोंकावगेय।”

लूका 9:50 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:30

ईंग सुदा कोवाया, हाँय ईंगरीग मुदइ होड़ हवे। अरू ईंग सुदा मेरेय सकलावगेता, हाँयग होड़ सितिर-बितिरगोडता।

मती ओजाःतेरा भगवानराः नपाय सरवन 17:24

ईसू अरू आँयगरिकुःआ चेलाकू कपरनहूम सहररेकू सोदोरनेन दो, भगवानराः ओड़ाःरिकुःआ मलगुजारी गोः होड़कू पतरस एचेरे सेनेडखनकू होंबोरतेरा, “ने गोय, अपेरीग गुरुजी, भगवानराः ओड़ाःराः मलगुजारी मेरेय एमेयता जा?”

मती ओजाःतेरा भगवानराः नपाय सरवन 17:26

हनते पतरस ओड़ाःरेय सोदोरनेन दो ईसू हाँय होंबरे अते मनाड़ंग हाँय एचेरेय होंबोरतेरा, “ने पतरस, आम चिलाम ओंगोलतना? चउंदीसरिकुःआ राजाकू इये इये अते मलगुजारीकू गोःता, अँननकूरिकुःआ बेटाकू अते जा एटाः होड़कू अते?” दो पतरस कतातेड, “एटाः होड़कू अतेकू गोःता।” ईसू कतातेड, “दो बेपटाकूतेन मलगुजारी एमे अतेकू बनसावयान।

मरकूस 9:38

दो एहुना ईसू एचेरेय कतातेरा, “ने गुरुजी, मी होड़ आम ञावते भूतकू होड़कू अतेय उडुंगा, हाँयले ञेलतेरा। मनदो हाँय अबूरीग होड़ ना लवे। हनालगा अले हाँय रोंकावगेय लगाले कुरनिसतेरा।”

मरकूस 9:41

अपे ईंगपे अयूम, तोनोंगीग होड़ अपे मसी होड़कू इदानपेःआ अते गुनमिन हों दाः ञूय लगाय एमेवापेता दो हाँय लगा भगवान इमाने एनेमेवायता।

लूका 11:23

ईंग सुदा कोवाया, हाँय ईंगरीग मुदइ होड़ हवे। अरू ईंग सुदा मेरेय सकलावगेता, हाँय सितिर-बितिरगोडता।”

लूका 16:13

तोनोंगीग होड़ बार होड़ मालिककिन ओरोय सेवा अवेतेडकिना। हँकिन अते मी होड़े अलार-दुलारगेयता अरू मी होड़े हिनइस-बिनइसवायता। मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान, बनर ओरोपे सेवा अवेतेरा।”

1 कुरिंती 12:3

हनालगा ईंग कतायतना, सुद बिरुवाराः अगुवाइतेय सलाःता हाँयग होड़, ईसू सती-सरापतो इदानिया माःआन मेरेय कतायता। सुद बिरुवा तोनोंगीग मेर अगुवाइवाय दो हाँय, ईसू, परबू हवे, माःआन ओरोय कता अवेतेरा।