लूका 8:41 - Korwa Bible

^41-42 आईर ञावीग मी होड़ होड़ दोहोना। हाँय अरजी ओड़ाःरीग हातपात होड़े दोहोना। हाँयरीग मी होड़ बारह बरिसीग बिटीत दोहोना। हाँय गुजुः इयाय दोहोना दो आईर ईसू एचेरेय सेनेडा। हाँय ईसू मड़ंगरे उकुड़ोमवाडखन आँयग ओड़ाःरे सेन लगाय असेःआ। दो ईसू हाँय ओड़ाः सेन मेला, दूररे मुरुक होड़कू हाँय सुदा रेहेड-तेपेडकू सेनेडा।

लूका 8:41 ပူးပေါင်းရင်းမြစ်များ

लूका 13:14

ईसू लोड़ोनराः दिनरे हसूतेय नपायतिरिया। हनालगा अरजी ओड़ाःरीग हातपात होड़ रीसनेनखन होड़कू एचेरेय कताया, “बुता लगा हपतारे छो दिन इदा। हनामिन दिनरे वेगकियानखन हसूतेपे एचे नपायगुः। मनदो लोड़ोनराः दिनरे अलो।”

लूका 17:16

हाँय ईसू मड़ंगरे तबेरनेनखनने धनियाबादतिरिया। हाँयग होड़ समरिया होड़े दोहोना।

लूका 5:8

नाःआ ञेलतेडखन सिमोन पतरस ईसू मड़ंगरे उकुड़ोमवाडखने कतातेड, “ने परबू। ईंग कसूर होड़ हवे। ईंग अते सलाव जुवाःमे।”

लूका 8:49

हनमेला आईरराः ओड़ाः अते तोनोंगीग होड़ वेगनेनखन आईर एचेरेय कताया, “आम बिटी गोएगयनाय। गुरुजी अलोम हलकइनगेय।”

एहुना 11:21

दो मारता ईसू एचेरेय कतातेरा, “ने परबू, आम नंडाम दोहोकुः दो ईंग वगायिंग ओरोय गोएगकुःआ।

मूक चेलाकू 13:15

दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”

मूक चेलाकू 18:17

हनते बेगर एहूदाकू अरजी ओड़ाःरीग हातपात होड़ सोसतिनूस साबतेडखन कोट कछेरी ओड़ाः मड़ंगरे हाँयकू ञेडतेरा। हनारे हों गलियो हँकुःआ होड़कू मेरेय रोंकावगाडकू।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

मूक चेलाकू 9:38

जोपा सहर लुदा गाँवराः लेसानरे दोहोना। हनालगा चेलाकू पतरस लुदारे इदानिया माःआनकू अयूमतेरा। दो हँकू बार होड़ होड़किन हाँय एचेरेकू वारगोतेडकिन अरू हाँय एचेरेकू एचे कतातेड, “दोबू, अलिंग सुदा जोपा अगी ओहेनबू सेन।”

उदुःतो कताकून 5:8

हाँय हना कागदे गोःयाड दो, हँकुःआ चइरो जीव-जंतूकू अरू चूबीसगोटोंग मूक होड़कू हाँयग भेड़ा होन मड़ंगरेकू तबेरयान। हँकू जमाकू एचेरे मेमेडटोंग तंबुररा अरू सकला पेरेगतो सोनाराः डुबहा दोहोना। (हना सकला भगवानरिकुःआ सुद होड़कूराः अरजी हवे।)