लूका 8:30 - Korwa Bible

³⁰ दो ईसू हाँय एचेरेय होंबोरतेरा, “आमराः ञाव चेले माःआन इदा?” हाँय एचेरे मुरुक बगरा भूतकू दोहोना। हनालगा हाँय कताया, सइना, माःआन।

लूका 8:30 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:53

आम चेले माःआनमे ओंगलेतना, ईंग ईंगरीग अपांग एचेरेयिंग असेके दो, हाँय ईंग बनसाव लगा बारह पलटन अते बगरा सेरमो देसरिकुःआ बराहीलकू ओरोय वारतेडकुःआ जा?

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

मती ओजाःतेरा भगवानराः नपाय सरवन 8:29

अरू हँकिन खिररीकियानखन ईसू एचेरेकिन कताया, “ने भाबी भगवानरीग बेटात, आम अले करेगले लगाम चहाःतना? भगवान अले लगाय तोल दोहोकेरा हना बेला अते मड़ंग आम अले हलकइनले लगाम वेगकिया जा?”

मरकूस 16:9

[तोनोंग बेला तयोमरे हनानाः दिन अनंगुः निंदावा बेला ईसू जियाव रेमनेनखन मगदलियायिन मरियम एचेरे अनँयग एचे ञेलयान। ननाँयग मरियम अते ईसू मड़ंगरे सातगोटोंग भूतकूय एचे उडुंगतेरा।

मरकूस 5:9

दो ईसू हाँय एचेरेय होंबोरतेरा, “आमराः ञाव चेले माःआन इदा?” दो हाँय कतातेड, “अले मुरुक इदानलेःआ। हनलगा ईंगराः ञाव सइना हवे।”

लूका 8:2

ईसू भूतकूय उडुंगतेरा अरू बेमारीतेय नपायतेडकुःआ, हँकुःआ अदोम अइमीकू हों ईसू सुदाकू सेनेडा। हँकू अते मी होड़ मगदलियायिन माःआनकू कतावाया हाँयग मरियम दोहोना। नाँयग मरियम अते, मड़ंग ईसू सातगोटोंग भूतकूय उडुंगोतेरा।

लूका 8:29

हाँयग होड़ एचेरेय दोहोना हाँयग भूत हाँय घड़ी घड़ी एचे जकलावगेया। होड़कू हाँय सिकिड़ी अरू बेरातेकू तोलेया। हनारे हों हाँय हना सिकिड़ी सीडगोडाय अरू भूत हाँय टयंगाब ततेररेय गोःयाया। दो ईसू हाँये ञेलतेड अरू भूत उडुंगगुः लगाय हुकुमतेरा।