लूका 8:10 - Korwa Bible

¹⁰ दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

लूका 8:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

मती ओजाःतेरा भगवानराः नपाय सरवन 16:17

हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।

मरकूस 4:11

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेवाडपेःआ, मनदो एटाः होड़कू सुदा ईंग अउल-तउल कहड़ीयिंग उदुःगेता।

मरकूस 4:12

भगवानराः कागदरे ओजाःतो इदा हनन इया होयाः लगा, हँकुःआ होड़कू ईंग एचेयता हनाकू ञेलकेः दो हनाकू बुझाव अवेकुःआ अरू अयूमकेडखनकू सुदीबाःकेःआ। बुझावकुः होले कसूर अते जीवकू कुदाकेःआ अरू भगवान हँकूराः कसूरकूने बराव एंडाकेःआ।”

एहुना 12:40

हाँय हँकूराः मेडे अंदरागोतेड, अरू हँकूराः जीवे केटेगगोतेड नाःआते हँकू अँकू मेडते अहाकू ञेल अरू जीवरे अहाकू सुदी अवेय अरू ईंग एचेरे हँकू नपायगुः लगा जीव अहाकू कुदागे। हनालगा हँकू मेरकू बिसवास अवेगाड।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

1 कुरिंती 12:11

सुद बिरुवा मिनीटोंग इदा अरू नाःआ जमा दहिनकून हनाँयग सुद बिरुवा एमेवाकूता। मनदो हाँयग सुद बिरुवा तोनोंगीग एमेवा लगाय चहाःता, हनाँयग होड़ लगा दहिनकूने एनेमेगोडता।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।