लूका 8:1 - Korwa Bible

¹ हना तयोमरे ईसू एटाः एटाः गाँवकूनरे अरू सहरकूनरेय सेनेडा। हाँय होड़कू एचेरे सेनेडखन, भगवानराः राइजराः नपाय सरवने परसारतेरा। अरू ईसू सुदा आँयगरिकुःआ बारहो मूक चेलाकू हों दोहोना।

लूका 8:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:1

ईसू आँयग चेलाकू चेड उरियावनेनखन हंडा अते गलील छतरराः एटाः एटाः सहरकूनरे परसारतेडखन होड़कूय चेडतेरा।

मती ओजाःतेरा भगवानराः नपाय सरवन 13:19

भगवानराः राइज बदीराः सरवन अयूमकेडखन मेरेय बुझाःता हाँय, दूर धरीरे लोजोरनेना हना बिहान इयायीग होड़ हवे। अरू हाँय अयूमतेरा हना सरवन कलउ वेगवाडखने गोःयाता।

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:35

ईसू एटाः एटाः सहरकून अरू गाँवकूनरे सेनेडखन हँकूराः अरजी ओड़ाःकूनरेय चेडतेडकुःआ। हाँय भगवानराः राइजराः नपाय सरवने परसार उदुःतेरा अरू बेमरियातेकू दोहोना हँकुःआ होड़कूय नपायगोड ञवना।

मरकूस 1:39

दो ईसू गलील छतरराः एटाः सहरकूनरे सेन घड़ीन हँकूराः अरजी ओड़ाःकूनरे परसार इदीःआ अरू होड़कू अते भूतकू होंय उडुंग इदीया।

लूका 1:80

एहुना हरानेन अरू हाँयराः जीव बड़ियाड़नेन। हाँय भगवानराः बड़रा इसराएल होड़कू एचेरे अरीने परसारगे वरी टयंगाब ततेररेय दोहोनेना।

लूका 20:1

मी दिन ईसू भगवान ओड़ाःरे होड़कूय चेचेडा अरू भगवानराः नपाय सरवने कता उदुःवाकुःआ। दो मरंग पुजउरीकू अरू नियम चेडदार होड़कू इसराएल होड़कूरिकुःआ मूक होड़कू सुदा वेगवाडखन,

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

लूका 9:6

दो हँकुःआ मूक चेलाकू एटाः एटाः गाँव अगी तोराकू अरू नपाय सरवन उदुःवाडखन बेमारीतेकू दोहोना हँकुःआ होड़कूकू एचे नपायतेडखनकू सलाःआ।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 13:32

भगवान अबूरिकुःआ खुटिपरिया होड़कू एचेरेय जबानतेरा हना जबान, हाँय ईसू गोएगतो होड़कू अतेय जियाव रेमकिरिगखन, अबू जूगरेय पुरावगोतेडा।

रूमी 10:15

तोनोंगीग हँकू मेरकू वारकेकुः दो हँकू करा इया एटाःकू एचेरेकू कता उदुः अवेकेःआ? हनालगा भगवानराः कागदरे हँकुःआ होड़कू बदीरे नाःआ इया ओजाःतो इदा, “नपाय सरवनकू उदुःता हँकुःआ होड़कूराः काट तुमिन सुघर इदा!”