लूका 7:41 - Korwa Bible

⁴¹ ईसू कताया, “तोनोंगीग सेटरिकिनाः बार होड़ रिनहादारकिन दोहोना। मी होड़ पाँच सव दिनारे गोःतेरा अरू मी होड़ पचास दिनारे गोःतेरा।

लूका 7:41 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:28

हनते हाँयग सेवकिया हना ओड़ाः अतेय उडुंगनेन दो हाँय अनँयगरीग संग सेवकिया सुदाय जुमावनेना। आँयग संग सेवकिया हाँय अते मी सव चाँदी रिचकीराः रीने गोःतेरा। दो हाँयग सेवकिया होड़ अनँयगरीग संग सेवकियाराः होटोःतोय होड़रेगतेरा अरूय कतावातिरिया, आम ईंग अतेम गोःतेरा हना रीन एमे कुदावायिंगमे।

मती ओजाःतेरा भगवानराः नपाय सरवन 6:12

अले एटाः होड़कूराः गारबारले बराव एंडाकेरा, हनन इया अलेराः गारबार होंम बराव एंडागोड।

मरकूस 6:37

हनते ईसू कतातेड, “अँननपे नँकू जोम लगापे ओवाकू।” दो हँकू कतातेड, “नाःआ मिनकुःआ होड़कू जोम लगा मी होड़राः आठ महिनाराः बुता बनीराः ढिबुवा लगाःता। दो अले चिलातेले किजावाकुःआ अरू जोजोम लगाले ओवाकू?”

लूका 11:4

अले एटाः होड़कूराः कसूरले बराव एंडाकेरा, हनन इया अलेराः कसूर होंम बराव एंडागोड। अरू कसूरराः रेनहारे अलोम पराव ओवाले।”

लूका 12:48

मनदो सेवकिया होड़ मालिकराः ओंगोल बेगर सुदीते बेलूर बुताय बुताता, दो हाँय मड़ंगीग अते हुडिंग डंडे पवाःता। बगराय एमेकेरा, हाँय अते बगराय असेगेता अरू बगराय जिमेवारिया हाँय अते बनागरा आभाय गोःता।”

लूका 13:4

अपे नान इयापे ओंगलेतना जा, सीलोमराः उसूल अगुरा ओड़ाः अठारहगोटोंग होड़कू चोटरे रूबनेना अरू हँकू तेन गोएगयानकू दो, हँकुःआ होड़कू एरुसलेमरिकुःआ एटाः होड़कू अते बगराकू कसूरतेरा, जा? नान इया कोवान।

लूका 7:40

दो ईसू हाँय एचेरेय कताया, “ने सिमोन, आम सुदा मीटोंग बड़रा ककता इदा।” दो सिमोन कताया, “अयुमेतनायिंग, कता उदुःगेयमे।”

लूका 7:47

ईंग बड़राम अयूम, नाँयग अइमी मुरुके कसूरतेरा। मनदो नाँयराः जमा कसूरिंग बराव एंडागोतेडा। हनालगा नाँय ईंग मुरुके दुलारगिंगतना। मनदो हुडिंग कसूर बराव एंडात होड़ हुनुडिंगे दुलारगींगता।”

रूमी 3:23

जनामा होड़कू कसूरकेरा, अरू भगवानराः ओंगोल इयाःआ मान मरजइत जीव, मेरकू जियाव अवेनता।

रूमी 5:20

होड़कू अँननकूराः कसूरकूनकू सुदी अवे लगा भगवान नियमकूने एमेतेरा। मनदो होड़कूराः कसूर बनागरायान, हनामिन भगवान हँकुःआ होड़कू अरू बनागराय मयावातेडकुःआ,