लूका 6:49 - Korwa Bible

⁴⁹ ईंग बड़रा मेरेय मनाःता हाँयग होड़, बेगर नेवते बितीलरे ओड़ाःए तुलातेरा, हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। दो हना ओड़ाः रूब एंडायान अरू ओड़ाःराः कहिसाः मेर बनसावगान।”

लूका 6:49 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:3

हनालगा अपे एचेरे कहिसाः एचे लगाकू कताय हनापे एचे अरू हँकूराः कतापे मनाः। मनदो हँकू परसारगेता हना इया हँकू मेरकू एचेयता। हनालगा अपे हँकू एचेयता हना अपे अलोपे एचेय।

मती ओजाःतेरा भगवानराः नपाय सरवन 24:10

हना कटसिया मेला मुरुक होड़कू बिसवास अड़ाःकेडखनकू कुदा जुवाःता। मुरुक होड़कू एटाः होड़कूकू एचे साबता अरूकू हिनइस-बिनइस होड़ेंगता।

मरकूस 4:17

मनदो हँकू गुन लकन जेरगुःता अरू तोनोंग दिन लगा सरवनरेकू बिसवासगेता। मनदो सरवनरे बिसवासगे अते तोनोंग तोनोंग इयाःआ कटसिया सहे संतावरेकू पराःतान मेला हना बिसवासकू अड़ाःगोडता।

लूका 12:47

सेवकिया होड़ मालिकराः ओंगोले सुसुदीःआ अरू सपड़ावतो मेरेय दोहोना अरू आँयगरीग मालिकराः हिछा इया मेरेय सलाःआ, हाँय मुरुक डंडे पवाःता।

लूका 19:14

मनदो गिरहत होड़राः सहररिकुःआ होड़कू हाँयकू हिनइस-बिनइसवाःआ अरू तोनोंग तोनोंग होड़कू नाःआ इया कताय लगाकू वारतेडकुःआ, नाँयग होड़ अलेरीग राजा बड़ाँः लगा अले मेरले चहाःतना, माःआन।

लूका 19:27

हनते मालिक कताया, “ईंग अँकूरीग राजा बड़ाँवगींग लगा मेरकू चहाःआ हँकुःआ मुदइ होड़कू नंडापे अगूकू अरू ईंग मड़ंगरेपे ञेड एंडाकू, माःआन।”

लूका 6:46

ईंग ईसूरीग चेला हवे, माःआन अपे कतनता, मनदो ईंगराः बड़रा मेरपे मनाःता दो चिला लगा परबू परबू, माःआन ईंगपे राःतना?

लूका 6:48

हाँय, ओड़ाः तुला मेला गनाहीर गडाकेडखन चटइन चोटरेय नेवतेरा हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। हना ओड़ाः बड़ियाड़ तुलात दोहोना हना अते ओड़ाः मेर रूबगान।

लूका 7:1

ईसू होड़कू चेड उरियावनेनखन कपरनहूम सहररेय सोदोरयान।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

मूक चेलाकू 20:29

ईंग सुदीयतना ईंग सेन तयोमरे रमू बुःआ इया बेलूर होड़कू अपे तलारे वेगवाडखन बिसवासी होड़कूकू नरी नठी एंडागोडकूता।

मूक चेलाकू 26:11

अरू ईंग मीटोंग अरजी ओड़ाः अते एटाः अरजी ओड़ाः सेनेडखन हँकूयिंग संतावा अरू ईसूराः बदीरेयिंग एचे ओपताकुःआ। हँकू बदीरे ईंगराः रीस मुरुक दोहोना अरू हँकू संतावकू लगा एटाः एटाः राइजराः सहरकूनरे होयिंग सेनेडा।”

1 तिसलूनिका 3:5

ईंग बोरा, अपेराः बिसवास एचे अड़ाःपे लगा कलउ लहकाव सोतेडपेःआय करे अरू अले अपे तलारेले एचेतेरा हना बुता सदाःआ होयायान करे, माःआन। नाःआ ईंग मेरिंग सहाव अवेगड। हननलगा अपेराः बिसवास बदीरे ईंग सुदीगे लगा तिमुतियूस अपे एचेरेयिंग वारतिरिया।

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।