लूका 4:23 - Korwa Bible

²³ हाँय हँकू एचेरेय कतातेड, “जूग परियारेकू कताया हना कता अपे ईंग बदीरेपे कनातायता, ने जिड़ीदार, आम अनम नपायगुः। अरू अपे नाःआ इया होँपे कतायता, आम कपरनहूम सहररेम एचेतेरा हना इया नपाय बुता आम गाँवरे होंम एचेय।”

लूका 4:23 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:54

अरू अनँयगराः छतररे सोदोरनेनखन भगवानराः अरजी ओड़ाःरे होड़कूय चेडा। दो होड़कू बयावनेनखनकू कतातेड, “नाँयग होड़ नाःआ इयाःआ कनहून अरू मुरुक जंगरराः बुता करतेय पवावकिया?

मती ओजाःतेरा भगवानराः नपाय सरवन 4:13

तोनोंग दिन तयोमरे ईसू नसरत सहर अते उडुंगनेनखन, जबुलून अरू नपताली गोतोररिकुःआ होड़कू दोहोना हना छतरराः, हुडिंग समुंदरते धरीराः कपरनहूम सहर सेनेडखन हंडाय दोहोना।

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मरकूस 6:1

हनते ईसू हना ततेर अते सलावयाने अरू अनँयगराः छतररेय सोदोरनेना अरू आँयगरिकुःआ चेलाकू हों हाँय सुदाकू सेनेडा।

लूका 2:39

उसूप अरू मरियम भगवानराः नियम इया जमा एचे चबातेडखन गलीलराः सियाँ सरहदरे अँनकूराः गाँव नसरेतरेकिन कुदायान।

लूका 2:51

हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड।

लूका 4:16

ईसूकू असूल हरातेरा हनानाः नसरत गाँवरे हाँय वेगनेना। दो ईसू एहूदाकूराः रिवाज इया लोड़ोनराः दिनरे अरजी ओड़ाःरे सेनेडखन भगवानराः कागद अते बछाव उदुःगे लगाय चड़ाँनेना।

लूका 4:31

हनते ईसू गलील छतरराः कपरनहूम सहररेय सेनेडा। अरू लोड़ोनराः दिनरे हाँय हंडाकुःआ होड़कूय चेडा।

लूका 4:35

दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” दो भूत जमाकू मड़ंगरे हाँयग होड़े एचे कसड़गोतेडीग। मनदो तोनोंग इया मेरेय हानीगडीग अरू हाँय अतेय उडुंगयान।

लूका 6:42

आम अनम मेडराः चइला मेरेम ञेलता दो, करा उड़ी आम सउंगता एचेरेम कता अवेयता, ईंग आम मेडरे बोलोकिया हना गुंडायिंग उडुंगगोडता, माःआन? ने पचघुचिया होड़, मड़ंगरे आम मेडरे बोलोकिया हना चइलाम उडुंगवा। हनाते आम सउंगताराः मेडरे बोलोकिया हना गुंडा उडुंग लगा नपायतेम ञेल अवेयता।

एहुना 4:28

हनते हाँयग अइमी आँयगराः गगरी अटूतेडखन सहर अगी कुदा सेनेडखन होड़कू एचेरेय कता उदुःगेःआ,

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।