लूका 4:17 - Korwa Bible

¹⁷ अरजी ओड़ाःरीग अगुवा होड़ ईसू एचेरे भगवानराः बड़रा कतायीग होड़ एसयाह ओजाःतेरा हना कागद अते बछाव उदुःगे लगाय एमेतेरा। हनते हाँय कागद पितोरतेडखन नाःआ बड़राय ञामतेरा अरूय बछावनेना,

लूका 4:17 ပူးပေါင်းရင်းမြစ်များ

लूका 16:29

दो इबराहीम हाँय एचेरेय कतातेरा, हँकू लगा मोसेस अरू भगवानराः बड़रा कता होड़कूराः सरवन इदा। हना हँकूके अअयूम इदा।

लूका 20:42

दो हनाँय सेरेंगकूनराः कागदरे नाःआ इयाय ओजाःकेरा, परबू ईंगरीग परबू एचेरेय कताया, ईंग आमरिकुःआ मुदइ होड़कू हरुवावकेडकूखन

लूका 4:16

ईसूकू असूल हरातेरा हनानाः नसरत गाँवरे हाँय वेगनेना। दो ईसू एहूदाकूराः रिवाज इया लोड़ोनराः दिनरे अरजी ओड़ाःरे सेनेडखन भगवानराः कागद अते बछाव उदुःगे लगाय चड़ाँनेना।

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

लूका 4:20

हना तयोमरे हाँय कागद कोंडोड़वातेडखन अरजी ओड़ाःरीग सेवा होड़ एचेरेय एमेतेरा अरूय दुड़ुःयान। दो अरजी ओड़ाःरिकुःआ जमा होड़कू हाँय मी ढीटकू ञेलेया।

मूक चेलाकू 13:15

दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”

मूक चेलाकू 13:27

अरू एरुसलेमरेकू दोहोना हँकुःआ होड़कू अरू अँकूरिकुःआ मूक होड़कू ईसू, मसी हवे माःआन, मेरकू मनेवागडीग, अरू हँकू हाँयकू डंडियावतेरा दो, हँकू अरजी ओड़ाःरे लोड़ोनराः दिनरेकू बछाःता भगवानराः बड़रा कता होड़कूराः कताकू पूरावगोतेड।

मूक चेलाकू 7:42

हनालगा भगवान हँकूय अड़ाःगोतेड अरू हँकू बेर, बांगो अरू इपीलकू जाग लगाय जिमागोतेडकू। नाःआ कता भगवानराः बड़रा कता होड़कूराः कागदरे ओजाःतो इदा हना कताते मेसा जुवाःता; ने इसराएल होड़कू, अपे चालीस बरिस टयंगाब ततेररेपे दोहोन मेला इनिंग लगा जानरकूराः बलिदानकून अरू सराराः बलिदानकूनपे अगूकेरा जा?