लूका 23:2 - Korwa Bible

² हँकू ईसू बदीरे पिलातूस एचेरेकू कताया, “नाँयग होड़ अलेरिकुःआ होड़कूय बहकावता। नाँय कतायता रूमी देसरीग राजा एचेरे मलगुजारी अलोपे एमेय अरू अनँयग बदीरेय कतायता, ईंग मसी अरू राजा हवे, माःआन।”

लूका 23:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:27

मनदो अलंग अते हँकूके तोनोंग इयाःआ हलकाइन अलो होयाः लगा आम हुडिंग समुंदर धरीरे सेनेकियानखन बनसीम तेके बोलो। अरू मड़ंगमे उडुंगगेय हाँयग हकूम साब अरू हाँयराः आहमे उघाड़ दो आम चाँदीराः मीटोंग रिचकीम पवाःता। हनानाः रिचकी गोःकेडखन ईंगराः अरू आमराः मलगुजारीम एमेगोड।”

मती ओजाःतेरा भगवानराः नपाय सरवन 22:21

दो हँकू कतातेड, “मरंग राजा कइसरराः इदा।” दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”

मती ओजाःतेरा भगवानराः नपाय सरवन 27:11

दो ईसू एहूदिया छतररीग मरंग हातपात होड़ पिलातूस मड़ंगरेय चड़ाँनेन दो हाँय ईसू एचेरेय होंबोरतेरा, “आम एहूदाकूरीग राजा हवे जा?” दो ईसू कता कुदातेरा, “हाव, हनन इयाम कताकेरा।”

मरकूस 12:17

दो ईसू कतातेड, “मरंग राजा कइसरराः हवे हना हनाँयपे ओवा अरू भगवानराः हवे हना भनगवानपे एमेवा।” दो हँकू हाँयराः कतारेकू बयावयान।

मरकूस 15:2

दो पिलातूस होंबोरतिरिया, “एहूदाकूरीग राजा अनम हवे जा?” दो ईसू हाँये कतावाड, “हाव, आम अनम कतायतना।”

लूका 23:14

“नाँय होड़कूय एचे बलवादतना, माःआन बदीकिरिगखन अपे ईंग एचेरेपे अगूकिरिया। अरू अयुमेपे, ईंग नाँय अँननपे मड़ंगरेयिंग जासकिरिया, मनदो अपे बदीगेतना हना तोनोंग कता नाँय एचेरे ईंग मेरिंग ञामगडा।

लूका 23:5

मनदो हँकू अरूकू कताया, “नाँयग होड़ एहूदिया राइजरिकुःआ जमा होड़कू नाँयराः बड़रातेकू बहकाःतना। नाँय बहकाव बहकाव गलील छतर अते मरंग सहर एरुसलेम वरी होंय सोदोरयना।”

एहुना 18:29

दो पिलातूस हँकू एचेरे बहरी उडुंगनेनखने होंबरेःआ, “अपे नाँयग होड़ चेले माःआनपे बदीगेयतना?”

एहुना 18:30

दो हँकू कतातेड, “नाँय कसूर होड़ मेरेय दोहोकुः दो अले आम एचेरे चिला लगाले अगूकेया?”

एहुना 19:12

हना वरीते ईसू अड़ाःगेय लगा पिलातूस मुरुके कुरनिसतेरा, मनदो एहूदाकूरिकुःआ मूक होड़कू मुरुक सटीतेकू कताया, “आम नाँयग होड़मे अड़ाः दो आम कइसर राजारीग सउंगता ना लवे। तोनोंगीग होड़ अनँयग राजा माःआने कतानता हाँय, रूमी राजा कइसररीग मुदइ होड़े दोहोनता।”

मूक चेलाकू 24:13

अरू नँकुःआ होड़कू ईंग बदीतेडखनकू कतायतना हना कताकूनराः सताय आम एचेरे हँकू ओरोकू उदुः अवेतेरा।

मूक चेलाकू 24:5

अले नाँयग होड़ सिकिसता एमे होड़ अरू चउंदीसरिकुःआ जमा एहूदाकू बहकावतोले ञेलकिरिया अरू नाँय नासरी ञावराः गारबारतेःआ गउदारीग अगुवा होड़ हवे।

रूमी 13:7

अरू अपे होड़कू एमेवा लगा इदा, हना जमाकून एनेमेगोड। अपे सरकारके एमे लगा इदा हना ढिबुवाकूनपे एमेगोड। अकूस मनाः लगा इदा हँकूराः अकूसपे मनाः अरू मान मरजइतकू लगा इदा हँकूपे मान मरजइत।