लूका 22:52 - Korwa Bible

⁵² हनते आँयग साब लगाकू वेगनेना हँकुःआ मरंग पुजउरीकू अरू भगवान ओड़ाःरिकुःआ होड़कूराः अगुरा हातपात होड़कू अरू मूक होड़कू एचेरे ईसू कतातेरा, “अपे चिला लगा ईंग साब लगा तलवइरकून अरू हापकून साबकेडखनपे वेगकिया? अपे ईंग इनिग होड़ ओंगोलकिरिंगखन साबगींग लगापे वेगकिया जा?

लूका 22:52 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:47

ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा।

मती ओजाःतेरा भगवानराः नपाय सरवन 26:55

हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

लूका 22:37

भगवानराः कागदरे ईंग बदीरे ओजाःतो इदा, कसूर होड़कू सुदाकू मेसाकिरिया अरू अयुमेपे, भगवानराः कागदरे ओजाःतो इदा हनन इया ईंगराः जीवरे होयाःतना।”

लूका 22:4

दो जूदा सेनेवाडखन मरंग पुजउरीकू अरू भगवान ओड़ाःराः अगुरा होड़कूरिकुःआ हातपात होड़कू एचेरे ईसू करा इयाय एचे सबेयता हना बदीरेय बुतुड़ुःआ।

लूका 22:51

हना ञेलवाडखन ईसू कताया, “इकाहायमे। अलोम ञेडेय।” अरू ईसू सेवकिया होड़राः लुतूर टोँवावकेडखने नपायगोतेड।

लूका 22:53

भगवान ओड़ाःरे ईंग सगर दिन होड़कूयिंग चेडा। हनमेला अपे ईंग साब लगा मेरपे वेगगान। मनदो नुँहू अंदरारे कलउ अनँयगराः जंगरतेय बुतातना दो, अपेके दोंग होयायना।”

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

मूक चेलाकू 5:26

हनारे अगुरा होड़कूरीग हातपात होड़ अदोम अगुरा होड़कू सुदाय सेनेडा। अरूकू ओंगोलतेरा, हँकुःआ होड़कू अबू रेनहाकेडकूखनबू साब अगूकू दो, हंडाकुःआ होड़कू अबू दिरितेकू तेकेबूता, माःआन। हनालगा हँकू मूक चेलाकू रेनहातेडकूखन मेरकू अगूगाडकू।