लूका 22:41 - Korwa Bible

⁴¹ हनते ईसू हँकू अते गुनहोन तोरेरेय सेनेडा अरू हंडा उकुड़ोमवाडखन नाःआ इयाय अरजीःआ,

लूका 22:41 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:39

हनते हाँय गुनमिन तोरेय सेनेडा अरू ओतरे तबेरनेनखन भगवान एचेरेय अरजीःआ, “ने अपांग, होया अवेन दो, नाःआ कटसियाराः दूर ईंग अतेम चलाःगोड। नान दो ईंगराः हिछा इया कोवान, मनदो अनमराः हिछा इया होयाः।”

मरकूस 14:35

हनते हाँय गुनमिन तोरेय सेनेडा अरू ओतरे तबेरनेनखन भगवान एचेरेय अरजीःआ, “ने अपांग, होया अवेन दो नाःआ कटसियाराः बेला ईंग अते चलाः जुवाः।

लूका 18:11

दो फरीसी होड़ चड़ाँवाडखन नाःआ इयाय अरजीःआ, ने भगवान, ईंग एटाः होड़कू इया इनिग होड़, सहे कसूर होड़, सहे सनहा होड़ कोवायिंगा। ईंग नाँयग मलगुजारी गोः होड़ इया हों कोवायिंगा। हनालगा आम ईंग धनियाबादिंग ओवामता।

लूका 18:13

मनदो मलगुजारी गोः होड़ तोरेरेय चड़ाँनेना अरू सेरमो अगी ञेल लगा हों मेरेय चहावगान। हाँय अनँयग कुड़ोम चपाड़ घड़ीने कताया, ने भगवान, ईंग कसूर होड़ हवे। आम ईंगमे मयावा, माःआन।”

मूक चेलाकू 20:36

नाःआ जमाकून कता उदुःतेडखन हाँय हँकू सुदा उकुड़ोमनेनखनकू अरजीतेरा।

मूक चेलाकू 21:5

मनदो अले सेनराः बेला होयानेन दो अले हंडातेले सेनेडा। जमा चेलाकू अरू अँकूरिकुःआ एपेराकू अरू लइंकू सहरराः बहरी वरी अले सुदाकू वेजेडा। अरू समुंदर धरीरे उकुड़ोमनेनखनले अरजीतेरा।

मूक चेलाकू 7:60

हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

मूक चेलाकू 9:40

दो पतरस जमाकू बाहरीय उडुंगगोतडकू। हनते हाँय उकुड़ोमनेनखन भगवान एचेरेय अरजीतेरा। हनते हाँय मुरदा अगी उलटावनेनखने कताया, “तबीता रिमुःमे!” दो हाँय चिड़गाड़याने अरू पतरस ञेलतेडखने दुड़ुःयान।

इबरानी 5:7

ईसू चउंदीसरेय दोनोहोन मेला हाँय मुरुक सटी खिररी घड़ीन अरू मेड दाः जोरो जोरो हाँय गुजुः अते बनसाव अवेयता, हाँयग भगवान एचेरे असे घड़ीने अरजीःआ। अरू हाँय अकूस मनाः घड़ीने अरजीःआ अते भगवान अनायूमबाःकातेरा।