लूका 22:38 - Korwa Bible

³⁸ हँकू कताया, “ने परबू, नंडा बारटोंग तलवइर इदा।” दो ईसू कताया, “होया जुवाःता।”

लूका 22:38 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:51

ईसू सुदाकू चड़ाँकुःआ हँकू अते मी होड़ तलवइर ओहेन ओरतेडखन मूक पुजउरीरीग सेवादार एचेरेय सलावतेरा अरू हाँयराः लुतूरे तपेगबाःगोतेड।

लूका 22:36

ईसू हँकू एचेरेय कतातेरा, “नुँहू अपे एचेरे झोला इदान दो हनापे गोः अरू बगली इदान होले हना होँपे गोः। अरू तलवइर कोवानेःआ हाँयग होड़ आँयगराः अंगा अकरिंगकेडखन मीटोंग तलवइरे किजा।

लूका 22:49

नंडा चिला होयाःता माःआन ईसू सुदाकू दोहोना हँकुःआ एटाः चेलाकू सुदीगोतेड दो, हँकू ईसू एचेरेकू कताया, “परबू तलवइरते अले नँकुःआ होड़कूले ञेडकू जा?”

एहुना 18:36

दो ईसू कता कुदातेरा, “ईंग राइजगे दो नाःआ चउंदीसरे ईंगराः राइज ना लवे। ईंग नाःआ चउंदीसरेयिंग राइजकेः दो ईंगरिकुःआ होड़कू ईंग लगा कड़ीगकियानखन नँकुःआ एहूदा होड़कूरिकुःआ मूक होड़कूराः तिःईतेकू बनसावकिंगा। मनदो ईंगराः राइज नंडाःआ ना लवे।”

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।

1 पतरस 5:9

अपे सुदीयतना चउंदीसरिकुःआ जमा बिसवासी होड़कू, ननन इयाःआ कटसियाकू सहाव पारतना। हनालगा अपे बिसवासरे बड़ियाड़कियानखन कलउ अपे जीवरे हातपातगे लगा दोंग अहापे एमेवाय।