लूका 22:37 - Korwa Bible

³⁷ भगवानराः कागदरे ईंग बदीरे ओजाःतो इदा, कसूर होड़कू सुदाकू मेसाकिरिया अरू अयुमेपे, भगवानराः कागदरे ओजाःतो इदा हनन इया ईंगराः जीवरे होयाःतना।”

लूका 22:37 ပူးပေါင်းရင်းမြစ်များ

मरकूस 15:27

हाँय सुदा बार होड़ इनिग होड़किन बनर गतरकिन दोहोना, मी होड़ खउना गतर अरू मी होड़ डिरही गतर कुरूसरेकू ठोंकावगोतेडकिन।

मरकूस 15:28

[भगवानराः कागदरे नाःआ इया ओजाःतो इदा, हाँय कसूर होड़कू सुदाकू मेसातिरिया। अरू हना कता इया होनोयायान।]

लूका 18:31

हनते ईसू आँयग बारहगोटोंग मूक चेलाकूय एटाःतेरा अरू हँकू एचेरेय कताया, “अयुमेपे, अबू एरुसलेम अगीबू सलाःतना। अरू भगवानराः बड़रा कता होड़कू मनुवारीग बेटात बदीरेकू ओजाःकेरा हना जमा होया जुवाःता।

लूका 22:22

मनुवारीग बेटात भगवान ओंगोल दोहोकेरा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय ओरो दोहोनेना।”

लूका 22:36

ईसू हँकू एचेरेय कतातेरा, “नुँहू अपे एचेरे झोला इदान दो हनापे गोः अरू बगली इदान होले हना होँपे गोः। अरू तलवइर कोवानेःआ हाँयग होड़ आँयगराः अंगा अकरिंगकेडखन मीटोंग तलवइरे किजा।

लूका 22:52

हनते आँयग साब लगाकू वेगनेना हँकुःआ मरंग पुजउरीकू अरू भगवान ओड़ाःरिकुःआ होड़कूराः अगुरा हातपात होड़कू अरू मूक होड़कू एचेरे ईसू कतातेरा, “अपे चिला लगा ईंग साब लगा तलवइरकून अरू हापकून साबकेडखनपे वेगकिया? अपे ईंग इनिग होड़ ओंगोलकिरिंगखन साबगींग लगापे वेगकिया जा?

लूका 23:32

बार होड़ कसूर होड़किन हों ईसू सुदा ञेड एंडाकिन लगाकू गोःयाडकिन।

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

एहुना 10:35

अरू भगवानराः कागदराः कता, लबरा ओरो होयानेना। भगवानराः सरवनकू मनेवातेरा हँकुःआ होड़कू भगवानकू माःआने कतावातेडकुःआ,

एहुना 17:4

ईंगमे जिमावातेरा हना बुता चनाबाबाःगोतेडिंग अरू नाःआते आमिंग एचे मान मरजइतकेरा।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 3:13

भगवानराः कागदरे ओजाःतो इदा, तोनोंगीग कठवारेकू ठोंकावगेयतान दो, हाँयग होड़ सती-सरापतोय दोहोनता। दो ईसू कुरूसरेकू ठोंकावतिरिग मेला, हाँय अबूराः कसूर बदलारे सती-सरापनेनखन नियमराः सती-सरापतेय सडावकेडबुःआ।