लूका 22:17 - Korwa Bible

¹⁷ हनते हाँय अंगूर रसराः डुबहा साबतेडखन हना रस लगा भगवाने धनियाबादतेरा अरू चेलाकू एचेरेय कताया, “नाःआ रस अपे हटिंगकेडखन ञूयपे।

लूका 22:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:19

हनते हाँय हँकुःआ होड़कू बीररे दुड़ुः लगाय कतावाडकू। अरू पाँचटोंग रुटी अरू बारटोंग हकूकिन साबतेड अरू सेरमो अगी संगीलतेडखन भगवान एचेरेय अरजीतेरा। हनते हाँय हना रुटी डुंडीगगे घड़ीन चेलाकूतेन एचेरे होड़कू हटिंगवाकू लगाय एमेगोतेड अरू चेलाकू होड़कूकू हटिंगवातेरा।

मती ओजाःतेरा भगवानराः नपाय सरवन 15:36

ईसू सातगोटोंग रुटी अरू गुनमिनकू दोहोना हँकुःआ हकूकू साबतेडखने अरजीतेरा अरू डुंडीग घड़ीन चेलाकूतेन एचेरेय एमे इदीया अरू हँकू होड़कूकू हटिंगवातेरा।

मती ओजाःतेरा भगवानराः नपाय सरवन 26:26

हँकू जोजोमा हननमेला ईसू रुटीय साबतेड अरू भगवान धनियाबादतेडखन हना रुटीय डुंडीगतेरा। हँकू ओवातेडकूखने कतातेरा, “ना अरूपे जोम। नाःआ ईंगराः देह हवे।”

मरकूस 14:22

हँकू जोजोमा हननमेला ईसू रुटीय साबतेड अरू भगवान जागतेडखन हना रुटीय डुंडीगतेरा। हनते हँकूय ओवातेडकूखने कतातेरा, “नापे, नाःआ ईंगराः देह हवे।”

लूका 22:19

हनते हाँय रुटीय साबतेरा अरू भगवान धनियाबादतेडखन रुटीय डुंडीगतेरा। हनते चेलाकू नाःआ इया कतावातेडकूखने हटिंगवातेडकुःआ, “नाःआ रुटी ईंगराः देह हवे, अरू हना अपे लगायिंग एमेयता। ईंग उहियार लगा नान इयापे एचेय।”

लूका 9:16

हनते ईसू हना पाँचटोंग रुटी अरू बारटोंग हकूकिने साबतेड अरू सेरमो संगीलवाडखने धनियाबादतेरा अरू हाँय डुंडीग घड़ीन चेलाकू एचेरे हटिंगगे लगाय एमेगोतेड।

रूमी 14:6

अरू तोनोंगीग तोनोंगाः मी दिन परबू जाग लगाय मनाःता दो, हन हाँय परबू मान मरजइतगे लगाय एचेयता। तोनोंगाः जिनिसे जोमता हाँयग होड़, भगवान जाग घड़ीन परबू मान मरजइतगे लगाय जोमता। अरू तोनोंगाः जोम जिनिस मेरेय जोमता हाँयग होड़, भगवान जाग घड़ीन परबू मान मरजइतगे लगा मेरेय जोमता।

1 कुरिंती 10:16

अबू परबू भोज धनियाबाद घड़ीनबू जोम-ञूयता। अबू हना अंगूर रसबू ञूयतान दो ईसू अनँयगराः बलंगीय तूतेरा अते नफाबू पवावकिया अरू हना नफाराः इताडदारबू बड़ाँःता। अरू अबू हना रुटी डुंडीग घड़ीनबू जोमतान दो ईसू अनँयग देहरे कटसियाय सहावतेरा अते नफाबू पवावकिया अरू हना नफाराः इताडदारबू बड़ाँःता।

1 कुरिंती 11:23

परबू ईंगे चेडतेरा हनानाः कता अपेयिंग चेडतना। परबू ईसूकू एचे साबा हनानाः रइत हाँय रुटी तिःईरेय साबतेरा,