लूका 20:17 - Korwa Bible

¹⁷ ईसू हँकू एचेरेय कताया, “दो भगवानराः कागदरे चिला लगा नाःआ इया ओजाःतो इदा, ओड़ाः तुला मिसतिरीकू ओरो बड़ाँवनेना माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना।

लूका 20:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:42

ईसू हँकू एचेरेय कतातेड, “अपे भगवानराः कागदरे मेरपे बछावगना जा, ओड़ाः तुला मिसतिरीकू ओरो बड़ाँवनेना माःआनकू चलाः एंडातेरा, हनानाः दिरि जमा दिरिकून अते ननपाय दिरि होयानेना। नाःआ दो परबू अगीते होयाकिया अरू अबू बयावयनाबू।

मरकूस 10:23

ईसू आँयग अउग-बउगे ञेलतेरा अरू आँयग चेलाकू एचेरेय कताया, “गिरहत होड़कू अँननकूराः ढिबुवाकूनरेकू भरसाता, हँकुःआ होड़कू भगवानराः राइजरे बोल लगा मुरुक मसकिल इदा।”

मरकूस 12:10

अपे भगवानराः कागदरे नाःआ कता मेरपे बछावगना जा, ओड़ाः तुला मिसतिरीकू ओरो बड़ाँवनेना, माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना?

मरकूस 3:5

ईसू हँकुःआ होड़कूराः कटकट जीवतेय रीसयान। हनते ईसू चइरो गतर होड़कू ञेलवाडखन तिःई कोकोड़ावतो होड़ एचेरेय कताया, “आम तिःई लंबावगेमे।” दो हाँय अनँयग तिःईय लंबावगोतेड अरू हाँयराः तिःई नपाययान।

लूका 19:41

ईसू एरुसलेम सहररेय सोदोरनेन दो, हाँय हना सहर अगीय ञेलतेडखने इयामा

लूका 22:37

भगवानराः कागदरे ईंग बदीरे ओजाःतो इदा, कसूर होड़कू सुदाकू मेसाकिरिया अरू अयुमेपे, भगवानराः कागदरे ओजाःतो इदा हनन इया ईंगराः जीवरे होयाःतना।”

लूका 22:61

परबू ईसू उलटावनेनखन पतरस अगीय ञेलतेरा। दो ईसू मड़ंगरेय कतातेरा हना बड़रा हाँय उहियार अगूतेरा, तिसिंग कुकुड़ा अरीन कुकूड़चुःते मड़ंग आम पेय तुरहाम आड-बेकारवायिंगता, माःआन।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

एहुना 15:25

भगवानराः कागदरे ओजाःतो इदा हना सरवन होनोयाः लगा नाःआ इया होयाकिया; हँकू ईंग बे अहवइरकू हिनइस-बिनइसवातेडिंगा।

मूक चेलाकू 4:11

ओड़ाः तुला मिसतिरीकू तेके एंडातेरा हना दिरि जमा दिरिकून अते ननपाय दिरि होयानेना। अरू हनानाः दिरि ईसू हवे।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

1 पतरस 2:6

भगवानराः कागदरे नाःआ इया ओजाःतो इदा, “ईंगपे अयूम, ईंग सीयोनरे ओड़ाः तलाराः बड़ियाड़ दिरियिंग मंडावतना, अरू ईंग सुनावकेरा हना दिरि ननपाय अरू मुरुक किमइतराः हवे। हाँय एचेरेकू बिसवासगेता, हँकुःआ होड़कू कहियो ओरोकू गियूनेना।”