लूका 20:14 - Korwa Bible

¹⁴ अधियादारकू बेटात ञेलतेडखनकू कता होड़ेंगा, नाँय दो इताडदार हवे। दबूपे नाँयबू ञेड एंडागेय। दो नाँयराः इताड जमा अबूराः होया जुवाःता, माःआन।

लूका 20:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:7

हनते चेलाकूतेन अँननकू अँकू कता होड़ेंगा, “अबू रुटी मेरबू अगूगरा। हनालगा नाँय नाःआ इयाय कतावाबूतना।”

मती ओजाःतेरा भगवानराः नपाय सरवन 21:25

एहुना बतिसमा एमेवाकू लगा इये हातपाते ओवातिरिया, भगवान जा मनुवाकू?” दो हँकू अँननकू अँकू कता होड़ेंगा, “नाःआ हातपात एहुना सेरमो देस अगीतेय पवावकिया, माःआनबू कताय दो, हाँय एचेरे चिला लगा मेरपे बिसवासगाड, माःआने कतावाबूता।

मती ओजाःतेरा भगवानराः नपाय सरवन 21:34

हनते जोःराः बेला सोदोरनेन दो हाँयग मालिक अधियादारकू एचेरे आँयग बंटा अगू लगा हड़वाहाकूतेने वारगोतेडकू।

लूका 19:47

ईसू सगर दिन भगवान ओड़ाःरे सेनेकियानखन होड़कूय चेडा। मरंग पुजउरीकू अरू नियम चेडदार होड़कू अरू एटाः हातपात होड़कू ईसू ञेड एंडाय लगा दोंगकू ञामा।

लूका 20:13

दो हना बगइचारीग मालिक ओंगोलतेडखने कतातेरा, नुँहू ईंग चिलायिंग एचे? ईंग दुलारगेयता मिनीटोंग बेटायिंग वारकेः दो, हँकुःआ होड़कू हाँयकू मान मरजइतकेःआ करे?

लूका 20:15

अरू हँकू हाँय बगइचा अते ओर उडुंगतिडिगखनकू ञेड एंडागोतेडीग। नाःआ इया होयाः दो अंगूर बगइचारीग मालिक हँकुःआ अधियादारकू करा इयाय करेगकूता?

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

लूका 20:5

दो हँकू कता होड़ेंगा, “एहुना बतिसमा एमे लगा भगवान हातपाते ओवातिरिया, नाःआ इयाबू कताय दो नाँय होंबोरबूताय, दो अपे चिला लगा हाँय एचेरे मेरपे बिसवासगाड, माःआन।

लूका 22:2

मरंग पुजउरीकू अरू नियम चेडदार होड़कू होड़कूकू बोरोवाःआ। हनालगा हँकू तोनोंग इया ईसू साबकिरिगखन ञेड एंडाय लगा दावकू ञामा।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 3:15

अपे जीव तुलादार ईसूपे एचे ञेड गोएग एंडातिरिया। मनदो भगवान हाँय गोएगतो होड़कू अतेय जियाव रेमकिरिया। अले नाःआ कताराः हिदइतदारकू इदानलेःआ।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।