लूका 20:13 - Korwa Bible

¹³ दो हना बगइचारीग मालिक ओंगोलतेडखने कतातेरा, नुँहू ईंग चिलायिंग एचे? ईंग दुलारगेयता मिनीटोंग बेटायिंग वारकेः दो, हँकुःआ होड़कू हाँयकू मान मरजइतकेःआ करे?

लूका 20:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

मती ओजाःतेरा भगवानराः नपाय सरवन 3:17

अरू सेरमो होरते बड़राय अयूमतेरा, “नाँय ईंगरीग दुलार बेटा हवे अरू नाँय सुदा राजू इदानिंगा।”

लूका 18:2

दो हाँय कतातेरा, “मीटोंग सहररे मी होड़ फड़ियावदार होड़ दोहोना। हाँय भगवानराः अकूस मेरेय मनवेःआ अरू होड़कू मेरेय गदनेवाकुःआ।

लूका 18:4

दो तोनोंग बेला वरी हाँय हाँयग अइमी मेरेय संघरावागडीग। तयोमरे हाँय अनँयग जीवरेय ओंगोलतेरा, ईंग भगवानराः अकूस मेरिंग मनवेयता अरू होड़कू मेरिंग गदनेवाकूता।

लूका 20:12

हनते हाँय अरू मी होड़ हड़वाहाय वारतेरा। हँकू हाँय हों ञेड दोरो-मोरोतिरिगखन हना ततेरतेकू वार उडुंग एंडागोतेडीग।

लूका 20:14

अधियादारकू बेटात ञेलतेडखनकू कता होड़ेंगा, नाँय दो इताडदार हवे। दबूपे नाँयबू ञेड एंडागेय। दो नाँयराः इताड जमा अबूराः होया जुवाःता, माःआन।

लूका 9:35

हना बदरी अते मीटोंग अरोकू अयूमतेरा, नाँय ईंग सुनावकिरिया ईंगरीग बेटायिंग हवे। दो अपे नाँयराः कतापे मनाः, माःआन।

एहुना 1:34

अरू हनायिंग ञेलतेरा अरू हाँय बदीरेयिंग कताबाःगेतना, हाँय भगवानरीग बेटात हवे, माःआन।”

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।