लूका 2:38 - Korwa Bible

³⁸ दो सिमोन, उसूप अरू मरियम एचेरेय कतातेरा हनमेला हाँय हनंडा सेनेकियानखन भगवाने जागतेरा। एरुसलेम सहररिकुःआ होड़कूराः सडाव लगाकू ततंगीःआ, हँकुःआ जमा होड़कू एचेरे हाँयग लँइग बदीरेय कता उदुःगेःआ।

लूका 2:38 ပူးပေါင်းရင်းမြစ်များ

मरकूस 15:43

अरमतिया सहररीग उसूप ञावीग मी होड़ होड़ दोहोना। हाँय एहूदाकूराः मरंग पंचाइतरीग मी होड़ होड़ दोहोना। अरू हाँय भगवानराः राइज बुँहड़ीनता हना बेला लगाय ततंगीःआ। हाँय डीड़तेडखन पिलातूस एचेरे तोराय अरू ईसूराः मुरदा दिरि लातरे मंडावगे लगाय असेतेरा।

लूका 1:68

“इसराएलरीग परबू भगवान अनँयगरिकुःआ होड़कू सुदाय जुमावनेना अरूय सडावकेडकुःआ हनालगा हाँयराः जाग होयाः।

लूका 2:25

दो हंडा एरुसलेम सहररे सिमोन ञावीग होड़ दोहोना। हाँय बेगर गारबार होड़े दोहोना अरू भगवानराः नियम इयाय जियाःआ। भगवानराः सुद बिरुवा हाँय जीवरे दोहोना। इसराएल होड़कूय सडावता हाँयग होड़ लगा सिमोन ततंगीःआ।

लूका 2:36

मी होड़ अना ञावीग डुकरी दोहोना। हाँय भगवानराः बड़रा कतायीग अइमी दोहोना। हाँयरीग अपातराः ञाव फनुएल दोहोना अरू हाँय असेर गोतोररीग होड़ दोहोना। हाँय बियाह तयोमरे सात बरिस आँयग हड़मतो सुदाय दोहोना।

लूका 23:51

मड़ंगरे मरंग पंचाइतरिकुःआ होड़कू ईसू ञेड एंडागेय लगाकू रायनेना। मनदो हनारे उसूप मेरेय रायगान। हाँय एहूदिया छतरराः अरमतिया सहररीग होड़े दोहोना। अरू हाँय भगवानराः राइजे ततंगीःआ।

लूका 24:21

अलेके असरा दोहोना, हाँय अले इसराएल होड़कूय अजइतलेता, माःआन। नाःआ इया होयाकियान अते नुँहू पेय दिन होयाकिया।

2 कुरिंती 9:15

अबू ओरोबू ओंगोल तजाः अवेतेरा हना भगवान अबू लगाय एचेयकेरा अरू हना अते हाँयराः धनियाबाद होनोया ञवन।

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।