33 नाःआ बड़रा अयूमवाडखन ईसूरिकिनाः एंगात अपातकिन बयावयान।
दो ईसू होड़कू सुदाय बुतुड़ु मेला आँयगरीग एंगात अरू बोपोहकूतेन हाँय सुदा जुमाः लगाकू वेजेडा अरू हँकू हाँय सुदा बुतुड़ु लगाकू चहाःआ।
हना अयूमतेडखन ईसू बयावयाने अरू अनँयग देह दूरकू वेजेडा हँकुःआ होड़कू एचेरेय कताया, “अपे ईंगपे अयूम। इसराएल होड़कू एचेरे हों नाःआमिन बिसवास ईंग नुँहू वरी मेरिंग ञेलगडा।
नाःआ बड़रा अयूमतेडखन जमा होड़कू बयावयानकू।
दो ईसूरिकिनाः एंगात अपात ईसू हंडा नियम चेडदार होड़कू सुदा ञेलवाडीगखन मुरुककिन बयावयान। अरू मरियम ईसू एचेरेय कताया, “ने बाबू, आम चिला लगा अलिंग सुदा नाःआ इयाम एचेकेरा? ईंग अरू आमरीग अपांग आम ञाम ञामलिंग पड़ूयना।”
दो हँकू नाःआ कता अते होड़कू मड़ंगरे ईसू मेरकू बझाव अवेगडीग। हाँयराः बड़रा अयूमवाडखन हँकू बयावयान अरू कलेकालयानकू।
जमा होड़कू भगवानराः जंगर ञेलवाडखनकू बयावयान। हनमेला ईसू उलटावनेनखन आँयगरिकुःआ चेलाकू एचेरेय कताया,
