लूका 19:17 - Korwa Bible

¹⁷ मालिक हाँयग सेवकिया होड़ भलावातेडखने कताया, आम मुरुक नपायतेम बुताकेरा। आम गुनमिनाःरे बिसवासगेयीगमे दोहोना। नुँहू आम दसटोंग सहररीग हातपात होड़मे बड़ाँव जुवाः, माःआन।

लूका 19:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

लूका 16:10

गुनमिनाःरे भरसागेयीग होड़े दोहोनता, हाँय मरंग मरंगरे हों भरसागेयीग होड़े दोहोनता। अरू गुनमिनाःरे भरसागेयीग होड़ मेरेय दोहोनता, हाँय मरंग मरंगरे हों भरसागेयीग होड़ मेरेय दोहोनता।

लूका 19:16

दो मड़ंगीग होड़ वेगवाडखने कताया, मालिक आम ओवातिरिंगा हनाते ईंग दस गुना नफायिंग उडुंगकेरा, माःआन।

लूका 19:18

तयोमरे एटाःयीग सेवकिया होड़ वेगवाडखने कताया, मालिक, आम ओवातिरिंगा हनाते ईंग पाँच गुना नफायिंग उडुंगकेरा, माःआन।

लूका 22:30

जेमहा ईंगराः राइजरे अपे हों ईंग सुदापे जोम ञूय अरू गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजकू।

रूमी 2:29

मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

1 पतरस 5:4

दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।