33 अँननकू जीव बनसावराः ओंगोलरेकू दोहोनता हँकुःआ होड़कू अँननकूराः जीव ञेल केड़े एंडागोडता। मनदो अँननकू जीव बनसावराः ओंगोलरे मेरकू दोहोनता हँकुःआ होड़कूराः जीवे बनसावता।”
मी होड़ अनँयग जीव बनसाव लगाय चहाः दो, हनाँयगराः जीव लाय एंडा जुवाःता। अरू ईंग लगा अनँयग जीवे लायगोडता हनाँयग होड़राः जीव भगवान बनसावगोडता।
मनदो तोनोंगीग अनँयग जीव बनसाव लगाय ओंगले दो, हाँय आँयगराः जीवे ञेल केड़े एंडागोडता अरू तोनोंगीग ईंग लगा अनँयग जीवे अड़ाःगोडता दो, हाँयराः जीव बनसाव जुवाःता।
ईसू अरूय कताया, “अपे ईंगपे अयूम। हना रइत, बार होड़ खटीरेकिन गेतेगकुःता दो, भगवान मी होड़े रेम गोःयायता अरू मी होड़े अटू एंडा अटूयता।
अनँयगराः जीव बगराय दुलारता हाँय, अनँयग जीवे केड़े एंडा अटूता। मनदो नाःआ चउंदीसरे अनँयग जीव मेरेय दुलारगेता हाँय, ओरो टुटीगनेना हना जीवे पवाःता।
कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।