लूका 16:8 - Korwa Bible

⁸ दो कमचोर जिमेवारी होड़ चिलाय एचेकेरा हना हाँयग मालिक अयूमतेड अरू हाँय राःकेडखन हाँय एचेरेय कताया, आम ओंगोल चुवेरकेडखनमे एचेकेरा, माःआन। दो ईसू कताया, “चउंदीसरिकुःआ होड़कू अँननकूरिकुःआ होड़कू सुदा लेन देनरे भगवानराः राइजरिकुःआ होड़कू अते बगरा ओंगोल चुवेरकेडखनकू एचेयता।”

लूका 16:8 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:32

अरू तोनोंगीग मनुवारीग बेटात बदीरे तोनोंगाः ओपता बड़राय कता हना कसूर हों भगवान बराव एंडागोडता। मनदो भगवानराः सुद बिरुवा बदीरेकू कतायता हना ओपता बड़रा, भगवान नाःआ जूगरे सहे दरवाःआ हना जूगरे हों कहियो ओरोय बराव एंडातेरा।”

मती ओजाःतेरा भगवानराः नपाय सरवन 17:26

हनते पतरस ओड़ाःरेय सोदोरनेन दो ईसू हाँय होंबरे अते मनाड़ंग हाँय एचेरेय होंबोरतेरा, “ने पतरस, आम चिलाम ओंगोलतना? चउंदीसरिकुःआ राजाकू इये इये अते मलगुजारीकू गोःता, अँननकूरिकुःआ बेटाकू अते जा एटाः होड़कू अते?” दो पतरस कतातेड, “एटाः होड़कू अतेकू गोःता।” ईसू कतातेड, “दो बेपटाकूतेन मलगुजारी एमे अतेकू बनसावयान।

लूका 16:10

गुनमिनाःरे भरसागेयीग होड़े दोहोनता, हाँय मरंग मरंगरे हों भरसागेयीग होड़े दोहोनता। अरू गुनमिनाःरे भरसागेयीग होड़ मेरेय दोहोनता, हाँय मरंग मरंगरे हों भरसागेयीग होड़ मेरेय दोहोनता।

लूका 16:4

जिमेवारी बुता अते ईंगे वार उडुंग मेला होड़कू ईंग अँननकू ओड़ाःरे दोहो ओवागिंग लगा ईंग चिला एचे इदा, हनायिंग सुदीयतना।

लूका 16:7

हनते हाँय एटाः होड़ एचेरेय होंबोरतेरा, आम एचेरे तुमिन रीन इदा? अरू हाँय कताया, मी सव मन गोहोम। दो हाँयग होड़ एचेरेय कताया, आम ओजाः दोहोकेरा हना कागदरे अससी मनमे ओजाःगे।

लूका 18:6

हनते ईसू अरूय कतातेड, “नपायते मेरेय फड़ियावगेता हाँयग होड़राः कतापे अयूम।

लूका 20:34

दो ईसू हँकू एचेरेय कताया, “नाःआ चउंदीसरिकुःआ होड़कूराः बियाह होयाःता।

लूका 20:35

मनदो गोएगतो अते जियाव रिमुः जुकूर अरू हना जूगरे दोहोन जुकूर इदानकुःआ हँकुःआ होड़कू ओरोकू बियाहनेना अरू ओरोकू एचे बियाहतेडकुःआ।

एहुना 12:36

मरसलरिकुःआ लइंकू होयाः लगा मरसल अपे सुदा इदान मेला हनारेपे बिसवासगोड ञवन।” नाःआ कतातेडखन ईसू सलावयाने अरू हँकुःआ एहूदाकू अते एनेकलाय दोहोना।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

1 तिसलूनिका 5:5

अबू अंदरारेकू सलाःता हँकुःआ रइतरिकुःआ होड़कू कोवाबुःआ, मनदो अबू जमाकू मरसलरेकू सलाःता हँकुःआ दिनरिकुःआ लइंकू इदानबुःआ।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

1 एहुना 3:10

नपाय मेरेय एचेयता अरू अनँयग बिसवास वपक बोपोहकू मेरेय अलार-दुलारकूता हाँयग होड़ भगवानरीग लँइग ना लवे। ननन अते अबू सुदीगोडता इये भगवानरीग लँइग हवे अरू इये कलउरीग लँइग हवे, माःआन।