लूका 16:16 - Korwa Bible

¹⁶ मोसेसराः नियम अरू भगवानराः बड़रा कता होड़कूराः कता, बतिसमा एमेयीग होड़ एहुना वरीकू पपरसारा। अरू हनानाः बेला वरीते भगवानराः राइजराः नपाय सरवनकू परसार अअगूतना। अरू जमा होड़कू भगवानराः राइजरे रेनहा-पेलहाकू बोलता।

लूका 16:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:7

अपे सेनेन मेला नाःआ इया परसारकेडखनपे कताय, भगवानराः राइज अपे तलारे बुँहड़ीकिया, माःआन।

मती ओजाःतेरा भगवानराः नपाय सरवन 15:11

आहते दोंगेरे बोलता हना जिनिसते होड़ मेरेय मइलाःता, मनदो आहराः बड़राते होड़ मइलाव जुवाःता।”

मती ओजाःतेरा भगवानराः नपाय सरवन 21:32

बतिसमा एमेयीग होड़ एहुना नपाय धरमिया दूरे उदुःवातेडपेःआ। अरू अपे हाँय एचेरे मेरपे बिसवासगाड। मनदो मलगुजारी गोः होड़कू अरू सनहा-सनही होड़कू बिसवासतेरा। अरू नाःआ ञेलतेडखन तयोमरे हों अपे कसूर अते जीव कुदाकेडखन एहुना एचेरे मेरपे बिसवासगाड।”

मती ओजाःतेरा भगवानराः नपाय सरवन 3:2

“भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मती ओजाःतेरा भगवानराः नपाय सरवन 4:17

दो हना वरीते ईसू परसारगे लगाय बुँहड़ीतेरा अरूय कतातेड, “भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मरकूस 1:14

तोनोंग दिन तयोमरे हरदोस राजा बतिसमा एमेयीग होड़ एहुना जहेलरेय एचे सींगगोतेडीग। हनते ईसू गलील छतर सेनेवाडखन भगवानराः नपाय सरवन होड़कू एचेरेय परसारगोतेड।

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

लूका 10:11

अपे बदीरे भगवान एचेरे हिदइत दोहोन लगा नाःआ सहरराः धुंदरा अलेराः काट अते कोटा एंडायतनाले। मनदो अपे नाःआ सुसुदी लगा इदा, भगवान अपे एचेरे राइजगे लगाय बुँहड़ीकेरा, माःआन।

लूका 10:9

हंडाकुःआ बेमरियाकू नपायगोडकूपे अरू हँकू एचेरेपे परसारगे, भगवान अपे एचेरे राइजगे लगाय बुँहड़ीकेरा, माःआन।

लूका 16:29

दो इबराहीम हाँय एचेरेय कतातेरा, हँकू लगा मोसेस अरू भगवानराः बड़रा कता होड़कूराः सरवन इदा। हना हँकूके अअयूम इदा।

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

लूका 9:2

हनते हाँय हँकू भगवानराः राइज बदीरे परसारगे लगा अरू बेमरियाकू नपायकू लगाय वारगोतेडकू।

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

एहुना 11:48

अबू नाँय ननन इयाबू इकाहाय दो मुरुक होड़कू नाँय एचेरेकू बिसवासगोडता। अरू रूमी देसरिकुःआ सइना होड़कू वेगकियानखन अबू जइतरिकुःआ होड़कू अरू भगवानराः ओड़ाःकू लाय एंडागोडता।”

एहुना 12:19

दो फरीसी होड़कू अँननकू अँकू कता होड़ेंगा, “ञेलकूपे, मुरुक होड़कू हाँय देह दूरकू ओतोंगतना अरू अबू कहिसाः मेरबू एचे अवेता।”

एहुना 5:4

[तोनोंग तोनोंग बेला परबू भगवानरीग बराहील सेरमो देस अते दाःरे उतरावकियानखन दाःए हिड़कोड़ा। दो दाःरे मड़ंगकू उतराःआ, हँकू तोनोंग इयाःआ बेमरियारेकू दोहोना हों हँकू नपाय जुवाःआ।]

मूक चेलाकू 3:18

मनदो भगवानराः बड़रा कता होड़कू, मड़ंगरे ईसू बदीरेकू कतातेरा, मसी मुरुक कटसियाय सहावता, माःआन अरू हना जमा कताकून भगवान नाःआ इयाय पुरावकेरा।