6 हनारे हों हँकू तोनोंग माःआन मेरकू कता कुदा अवेगाड।
ईसू नाःआ इयाय कतातेड हना तयोमते तोनोंगीग मेरकू कता कुदा अवेगाड। अरू हना दिन वरीते तोनोंगीग हाँय एचेरे अरू सवालकून होंबोरगे लगा मेरकू डीड़गेःआ।
ईसू नाःआ इयाय कताया दो आँयगरिकुःआ मुदइकू गियुयानकू। अरू मुरुक बगरा होड़कू ईसू एचेया हना नपाय नपाय बुता बदीरेकू बहालयान।
दो हँकू नाःआ कता अते होड़कू मड़ंगरे ईसू मेरकू बझाव अवेगडीग। हाँयराः बड़रा अयूमवाडखन हँकू बयावयान अरू कलेकालयानकू।
हना वरीते सदूकी होड़कू ईसू एचेरे तोनोंग इयाःआ सवालकून होंबोर लगा मेरकू डीड़गेःआ।
हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।
मनदो हाँय हँकूराः कताकून कता कुदागे लगा भगवानराः सुद बिरुवा हाँय कनहूने एमेवातिरिया। हनालगा हँकू हाँय एचेरे मेरकू कता कुदा अवेगाड।
