लूका 14:18 - Korwa Bible

¹⁸ राःवातेडकुःआय हँकुःआ होड़कू अते मेमेड होड़ ओरोयिंग सेने अवेनेना, माःआन छुटीकू असेःआ। मी होड़ कताया, ईंग नुँहू मीटोंग कियारींग किजाकेरा, हना ञेल लगा ईंगके सेन इदा। हनालगा ईंग छुटीगोडिंगमे, माःआन।

लूका 14:18 ပူးပေါင်းရင်းမြစ်များ

लूका 14:17

दो जोम जिनिसकू संजोड़तेड दो टिवावातेडकुःआय हँकू एचेरे नाःआ इया कताय लगा सेवकियातेने वारतेरा, दबूपे, जमा जिनिसकून जोम लगा संजोड़तो इदा।

लूका 14:19

एटाः होड़ कताया, ईंग नुँहू पाँच जवइर उरिगकूयिंग किजाकेरा। उरिगकू नपाय इदानकुःआ जा कोवान हँकू ञेल लगायिंग सेनता। हनालगा ईंग छुटीगोडिंगमे, माःआन।

लूका 18:24

ईसू हाँयग होड़ ञेलवाडखने कताया, “गिरहत होड़कू भगवानराः राइजरे बोल लगा मुरुक मसकिल इदा।

लूका 8:14

जनुम बुदारे लोजोरनेना हना बिहान नाःआ इया होड़कू हवे। हँकू सरवनकू अयुमेता, मनदो सेनेन सेन दूररे चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर बेलेःता।

एहुना 1:11

हाँय अनँयगरिकुःआ निकता होड़कू एचेरेय वेजेडा, मनदो हँकुःआ होड़कू हाँय मेरकू मनेवागडीग।

एहुना 5:40

हनारे हों अपे ओरो टुटीगनेना हना जीव पवाः लगा ईंग एचेरे वेग लगा मेरपे चहाःता।”

पिलिपी 3:4

ईंग इनिंग एचेरे भरसान लगा मुरुक ओंगोलकून इदा। तोनोंगीग होड़ अनँयग आँयगरे भरसागुः लगाय ओंगलेतना दो, हाँय अते हों ईंग इनिंग एचेरे बगरायिंग भरसा अवेयता।

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

2 तिमुतियूस 4:4

हँकुःआ होड़कू सताय बड़रा अयूम अतेकू अइठाव जुवाःता अरू होड़कूराः तुलात कहड़ीकून अगीकू बहकाव जुवाःता।

इबरानी 12:16

अपे अते तोनोंगीग सनहा-सनही होड़कू सहे एसाव इया गारबार होड़कू अलोपे होयाः। दो मरंग बेटाकू पवाःता हना हातपात एसाव मी जुवारराः जोम जिनिस लगाय अकरिंग एंडागोतेड।