लूका 14:15 - Korwa Bible

¹⁵ हंडा जोम लगाकू वेजेडा हँकुःआ होड़कू अते मी होड़ नाःआ बड़रा अयूमवाडखन ईसू एचेरेय कताया, “भगवान राइजरेय जोजोमता हाँयग होड़ भगवान भलावायता।”

लूका 14:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:10

दो हँकुःआ पाँचगोटोंग धंगड़ीकू सुनुम किजा लगाकू सेनेडा। हनमेला बरवा बियाह लगाय वेजेडा। अरू सपड़ावतोकू दोहोना हँकुःआ धंगड़ीकू हाँय सुदा बियाह भोजकू संजोड़ दोहोतेरा हना ओड़ाःरेकू बोलोयान। हनते हना ओड़ाःराः दुवार सेवकियाकू सींगगोतेडकू।

मती ओजाःतेरा भगवानराः नपाय सरवन 8:11

अरू ईंग अपे एचेरेयिंग कतायतना, मुरुक बगरा होड़कू पुरुब अरू पछिम अते वेगकियानखन अपेरिकुःआ खुटिपरिया होड़कू इबराहीम अरू इसहाक अरू एकूब सुदा सेरमो देसरे जोजोम सरबहारेकू दुड़ुःता।

लूका 12:37

मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।

लूका 13:29

मनदो एटाः जइत होड़कू पुरुब अरू पछिम अरू उतर अरू दखिन अते वेगकियानखन भगवानराः राइजराः जोजोम सरबहारेकू दुड़ुःता। हनालगा अपे इयामता अरू तिरिंग रेटेग-रेटेगपे कड़रावता।

लूका 22:16

पसहाराः सताय कता भगवानराः राइजरे अरीन पुराः वरी अरू ईंग पसहा ओरोयिंग जोपेडा।”

लूका 22:30

जेमहा ईंगराः राइजरे अपे हों ईंग सुदापे जोम ञूय अरू गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजकू।

उदुःतो कताकून 19:9

हनते सेरमो देसरीग बराहील ईंग एचेरेय कतातेरा, “ओजाःगेमे। भेड़ा होनराः बियाह भोज जोम लगा टिवाकू पवावनेना हँकुःआ होड़कूराः जीव भगवान नपायगेता।” हनते हाँय अरूय कतातेरा, “नाःआ कताकून भगवानराः सताय कताकून हवे।”