लूका 13:34 - Korwa Bible

³⁴ ईसू अरूय कताया, “ने एरुसलेमरिकुःआ होड़कू, अपे भगवानराः बड़रा कता होड़कूपे ञेड एंडाकूता अरू अपे एचेरे भगवान वारतेडकुःआ, हँकुःआ होड़कू दिरितेपे तेकेकूता। ईंग मुरुक तुरहा अपेरिकुःआ लइंकू, सिम अनँयग होनकूय बुरुमता हना इया बनसावकू लगायिंग चहाःआ। मनदो ईंग हना इयायिंग एचेय लगा अपेराः हिछा मेर दोहोगान।

लूका 13:34 ပူးပေါင်းရင်းမြစ်များ

मती ओजाःतेरा भगवानराः नपाय सरवन 22:3

हनते हाँय टिवा एमेत होड़कू, राः लगा सेवकियाकूतेने वारगोतेड। मनदो तोनोंगीग बियाह ओड़ाःरे सेन लगा मेरकू चाहावगान।

मती ओजाःतेरा भगवानराः नपाय सरवन 22:6

अरू एटाः एटाः होड़कू, हँकुःआ सेवकियाकूकू साबतेरा अरू बेग-हतावातेडकूखन ञेड एंडागोतेडकुःआ।

लूका 15:28

नाःआ अयूमतेडखन हाँय मुरुके रीसयान अरू ओड़ाःरे मेरेय बोला। दो अपात उडुंगनेनखन हाँये मंदरावा।

लूका 19:44

अरू नंडा दोहोनता अपे अरू अपेरिकुःआ लइंकू ओतरेकू ञेड लेबदा एंडागोडपेता। भगवान अपेय मयावातेरा हना अपे मेरपे मनेवागाड। हनालगा अपेराः दिरिराः ओड़ाःकून रेमगे एंडा अते ओरोकू अड़ाःतेरा।”

लूका 23:28

ईसू हँकू अगी ञेलतेडखने कताया, “ने एरुसलेमरिकुःआ अइमीकू, ईंग लगा अलोपे इयाम। मनदो अपे लगा अरू अपेरिकुःआ लइंकू लगापे इयाम।

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

मूक चेलाकू 7:59

हँकुःआ होड़कू इसतपनूस दिरितेकू तेकेया हनमेला हाँय अरजीतेरा, “परबू ईसू, ईंग आम तिःईरे ईंगराः हनसायिंग जिमागेतना।”

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

उदुःतो कताकून 11:8

हँकिनराः मुरदा हना मरंग सहरराः संडकरे तेके एंडात दोहोनता। हना सहररे मड़ंग अँकिनरीग परबू कुरूसरेकू ठोंकावतिरिया। अउल-तउल इया हना बेलूर सहरराः ञाव सदोम सहर अरू मिसिरी देस माःआनकू कतावाता।