लूका 13:16 - Korwa Bible

¹⁶ नाँयग अइमी इबराहीमरीग नइड़-बाँस होड़ हवे अरू अठारह बरिसते कलउ तोल दोहोतिरिया। हाँय लोड़ोनराः दिनरे ईंग सडावकिरिया दो, हना नपाय कोवानेःआ जा?”

लूका 13:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 4:10

दो ईसू हाँय एचेरेय कतातेड, “ने कलउ, ईंग अते ञीर जुवाःमे। भगवानराः कागदरे नाःआ इया ओजाःतो इदा, आमरीग परबू भगवानमे जाग अरू हनाँय एकलाम सेवा।”

मरकूस 2:27

हनते ईसू फरीसी होड़कू एचेरेय कतातेरा, “लोड़ोनराः दिन लगा भगवान मनुवा मेरेय तुलागडिया, मनदो मनुवा नपाय दोहोन लगा भगवान लोड़ोनराः दिने तुलाकेरा।

लूका 16:24

दो हाँय कताया, ने अपांग इबराहीम, ईंग नरगराः सेंगेलरेयिंग तड़पाःतना। हनालगा ईंग सोगावाडिंगखन लाजर ईंग एचेरेम वारगेय, जेमहा हाँय आयँगराः अंगरी दाःरे तोपोवाडखन ईंग अलंगरे दाःए जोरो लड़ेगींग।

लूका 19:9

दो ईसू हाँय बदीरेय कताया, “नाँय हों इबराहीमरिकुःआ नइड़-बाँस होड़कूरीग बेटा हवे। हनालगा तिसिंग भगवान नाँय अरू नाँय ओड़ाःरिकुःआ होड़कूय सडावकेरा।

लूका 3:8

सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः। अपे अहापे कताय, इबराहीम अलेरीग खुटिपहार होड़ हवे अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

मूक चेलाकू 13:26

ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

2 तिमुतियूस 2:26

अरू कलउ मड़ंगरे हँकुःआ होड़कू आँयग ओंगोल इया एचेगे लगाय अडिगतेडकुःआ हना जालतेकू बनसाव जुवाःता।