लूका 12:17 - Korwa Bible

¹⁷ हाँय अनँयग जीवरेय ओंगोलतेरा, नाःआमिन हुड़ू दोहोय लगा ततेर कोवानेःआ। दो ईंग करेयिंग दोहोय?

लूका 12:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:7

हनते चेलाकूतेन अँननकू अँकू कता होड़ेंगा, “अबू रुटी मेरबू अगूगरा। हनालगा नाँय नाःआ इयाय कतावाबूतना।”

मती ओजाःतेरा भगवानराः नपाय सरवन 5:42

अपे एचेरेय असेयता हाँयग होड़पे एमेवा, अरू तोनोंगीग अपे एचेरे कहिसाः पइंचा गोः लगाय चाहाःतान दो हाँय अलोपे हेवेगवाय।”

लूका 10:25

मी दिन मी होड़ नियम चेडदार होड़ ईसू अंदजावगे लगा हाँय एचेरेय मीटोंग सवाले होंबोरतेरा, “ने गुरुजी, ओरो टुटीगनेना हना जीव पवाः लगा चिलायिंग एचे?”

लूका 11:41

मड़ंग अपे एचेरे इदा हना जिनिसकून गरीब होड़कू लगापे एमेगोड। हनाते अपेराः जमा बरानाः सुद जुवाःता।

लूका 12:16

नानाः कता अते ईसू हँकू एचेरे मीटोंग अउल-तउल कहड़ीय कतातेरा, “मी होड़राः कियारीराः हुड़ू मुरुक जांगनेना।

लूका 12:18

अरू हाँय अनँयग जीवरेय कताया, ईंग एचेरे मड़ंग दोहोना हना पला आडकेडखन एटाः नपाय मरंग पलायिंग तुलाता।

लूका 12:22

हनते ईसू चेलाकू एचेरेय कताया, “हनालगा अपे एचेरे ईंग कतायतना, अपेराः जीव लगा अलोपे ओंगोल कुहकाः, अले चिलाले जोम, माःआन। अरू अपे देह लगा अलोपे ओंगले, अले चिलाले तुसिंग, माःआन।

लूका 12:29

चिलाले जोम अरू चिलाले ञू, माःआन अलोपे ञाम, अरू ओंगोल कुहकाःरे अलोपे दोहोन।

लूका 12:33

अपे अँननपेराः आन-धान अकिरिंगवाडखन होड़कूपे हटिंगगोडवा। अरू मेर जुनानता हना बगली अपे लगापे तुलाय। मेर चबानता अरू इनिग होड़ मेरेय इनिग अवेयता अरू दियाँकू मेरकू जोम अवेयता हना इयाःआ आन-धान सेरमो देसरेपे जुमावगोड।

लूका 16:3

हनमेला जिमेवारी होड़ ओंगोलतेरा, नुँहू ईंग करा इयायिंग करजुः? ईंगरीग मालिक ईंग जिमेवारी बुता अतेय उउडुंगता। ईंग हास गडा लगा ओरोयिंग अवेतेरा अरू असे जोम लगा हों ईंग गियुःतना।

लूका 16:9

ईसू अरूय कताया, “ईंग अपे एचेरेयिंग कतायतना, नाःआ चउंदीसराः ढिबुवाकूनते एटाःकू संघरावा घड़ीन अपे लगा सउंगताकूपे तुला। दो हना ढिबुवाकून चबन चबनरे भगवान अपे सगर सइट दोहोनता हना ओड़ाःरेय नेत-नेवारपेता।

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

लूका 19:17

मालिक हाँयग सेवकिया होड़ भलावातेडखने कताया, आम मुरुक नपायतेम बुताकेरा। आम गुनमिनाःरे बिसवासगेयीगमे दोहोना। नुँहू आम दसटोंग सहररीग हातपात होड़मे बड़ाँव जुवाः, माःआन।

लूका 3:11

दो हाँय हँकू एचेरेय कताया, “तोनोंगीग होड़ एचेरे बारटोंग अंगा इदान दो, अंगा कोवानेःआ, हाँय लगा मीटोंग अंगाय हटिंगगोड। अरू तोनोंगीग एचेरे जोम जिनिस इदान दो जोम लगा कोवानेःआ, हाँयग होड़ लगाय हटिंगगोड।”

मूक चेलाकू 16:30

हना तयोमरे हाँय हँकिन जेहेल बहरीय उडुंगतेडकिना अरूय असेतेरा, “साहेबकिन, सडाव जुवाः लगा चिलायिंग एचे?”

मूक चेलाकू 2:37

नाःआ बड़राकू अयुमेःआ दो हँकुःआ होड़कूराः जीव कोड़-बिड़ावनेनखन पतरस अरू एटाः मूक चेलाकू एचेरेकू कतातेड, “वपक बोपोहकूताले, अले करा इयाले करजुः?”

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

1 एहुना 3:16

ईसू मसी अबू लगाय गोएगनेना अरू अबूय एचे उदुःवाडा करा इया होड़कू अलार-दुलाररे दोहोन इदा। हनन इया अबूरिकुःआ बिसवास वपक बोपोहकू लगा अबू हों अबूराः जीव एएमे इदा।