लूका 12:15 - Korwa Bible

¹⁵ अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

लूका 12:15 ပူးပေါင်းရင်းမြစ်များ

मरकूस 7:22

लुभी, बेलूर बुता, अडिग, बेलूर घुड़ी, इरा, ओपता बड़रा, बड़वार अरू बुयांगतो होयाःता।

लूका 12:16

नानाः कता अते ईसू हँकू एचेरे मीटोंग अउल-तउल कहड़ीय कतातेरा, “मी होड़राः कियारीराः हुड़ू मुरुक जांगनेना।

लूका 16:14

ललचीकू दोहोना हँकुःआ फरीसी होड़कू, ईसूराः बड़रा अयूमवाडखन हाँयकू लंदावाःआ।

लूका 21:34

“जोम ञूयते अरू बुनूलते अरू चउंदीसराः एटाः एटाः ओंगोल कुहकाःते अपेराः जीव अलो बेरुजगुः लगा सवासितीपे दोहोन। निही दो हना टुटीगगुःराः दिन अपे जीवरे फंदा इया असाका वेगता।

लूका 8:14

जनुम बुदारे लोजोरनेना हना बिहान नाःआ इया होड़कू हवे। हँकू सरवनकू अयुमेता, मनदो सेनेन सेन दूररे चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर बेलेःता।

1 कुरिंती 6:10

अरू इनिग होड़कू अरू लुभिया होड़कू, दारू बोः होड़कू, अरू ककाड़ी होड़कू, अरू अडिग जोम होड़कू, नाःआ नाःआ इयाकुःआ होड़कू भगवानराः राइजरे इताडदारकू कहियो ओरोकू बड़ाँवनेना।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

2 तिमुतियूस 3:2

हनमेला होड़कू अँनकू अँकू दुलारगुःता, लुभिया अरू बड़वार होड़कूकू होयाःता, जमाकू अते मरंगकू ओंगलुःता, एटाः होड़कूकू ओपताता अरू अँननकू एंगा अपाराः कताकू टड़ावगोडता, बेगर मयातेकुःआ अरू मइलाल जीव होड़कू होयाःता।

इबरानी 13:5

ढिबुवाराः ललचीरे अलोपे दोहोन अरू अपे एचेरे जेमिन इदा हनानाःतेपे संतोकगे। भगवान कताकेरा, “ईंग आम कहियो ओरोयिंग अड़ाःतेडमेःआ, अरू कहियो ओरोयिंग लिड़िंगतेडमेःआ।”

2 पतरस 2:14

हँकू जमा बेला सनहा-सनही ओंगोलरेकू दोहो ञवनता, अरूकू कसूरगोड ञवनता। हँकू बुकली-बोको होड़कू एचे कसूरकू लगाकू लहरावकूता। हँकू लुभिया ओंगोल लगाकू हेवायना अरू भगवान अगीते सती-सरापतो इदानकुःआ।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।