लूका 12:10 - Korwa Bible

¹⁰ मनुवारीग बेटात बदीरे ओपता बड़राय बड़रा, हाँयग होड़राः कसूर, भगवान आँयगराः ओंगोल अतेय बराव एंडागोडता। मनदो सुद बिरुवाय ओपताता हाँय होड़राः कसूर, भगवान ओरोय बराव एंडातेरा।

लूका 12:10 ပူးပေါင်းရင်းမြစ်များ

लूका 23:34

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।

1 एहुना 5:16

तोनोंगीग होड़ गुजुःमिन मेरेय कसूरगरा हना आम ञेलकेरा दो हाँयग होड़ लगा भगवान एचेरेम अरजी अरू भगवान हाँयराः कसूर बराव एंडाकेडखन जीवे एमेयता। मनदो तोनोंग तोनोंग कसूर, होड़कू एचेयता दो हँकू गोएग जुवाःताकू। गुजुःमिन कसूरकेरा हँकुःआ होड़कू लगा भगवान एचेरेपे अरजी लगा मेरिंग कतायतना।