लूका 11:42 - Korwa Bible

⁴² मनदो अपे फरीसी होड़कू, अपे दोपे ठीकयना। अपे फुदेना अड़ाः अरू सुदाब अड़ाः अरू एटाः अड़ाःकूनराः दस बंटारे मी बंटा भगवान लगापे एएमेतना। मनदो अपे सतायते मेरपे फड़ियावगेता अरू भगवान मेरपे दुलारगेयता। अपे सतायते फड़ियावकू लगा इदा अरू भगवान दुदुलार इदा अरू मड़ंगतेपे एमे अगूयतना हना हों एएमे इदा।

लूका 11:42 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

मती ओजाःतेरा भगवानराः नपाय सरवन 23:23

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे फुदेना अड़ाः, सोंप अरू जीराकूनराः दस बंटारे मी बंटा भगवान लगापे एमेयता। मनदो अपे मोसेसराः नियमराः मइद कताकूनपे अड़ाःगोडता। अपे नाःआ जमाकून भगवान लगापे एमेय घड़ीन बिसवास अरू सोगा घड़ीन नपाय जीवपे जियाः दो नपाय दोहोकुःआ।

मती ओजाःतेरा भगवानराः नपाय सरवन 23:27

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे बहरी बहरी नपायते गुरीत, सुघर मड़गट इया इदानपेःआ, मनदो हना मड़गट पेंदारे गोएगतो होड़कूराः जांग अरू जमा बरानाः मइलावतो इदा।

लूका 18:12

ईंग हपतारे बार दिन उपासिंग दोहोनता अरू ईंग बुता अदेरगेता हना अते दस बंटारे मी बंटा आम लगायिंग एमेयता।

एहुना 5:42

मनदो ईंग सुदीयतना, अपे एचेरे भगवानराः दुलार कोवानेःआ, माःआन।

1 एहुना 4:20

तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?