लूका 11:13 - Korwa Bible

¹³ अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपे अते अगम नपाय अपेरीग सेरमो देसरीग अपांग एचेरे सुद बिरुवापे असेय दो, अपे लगा चिला लगा मेरेय एमेकेःआ?”

लूका 11:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

मती ओजाःतेरा भगवानराः नपाय सरवन 6:14

हनालगा अपे एटाः होड़कूराः कसूरपे बराव एंडागे दो, अपेरीग सेरमो देसरीग अपांग भगवान हों अपेराः कसूरे बराव एंडाता।

मती ओजाःतेरा भगवानराः नपाय सरवन 6:30

डंडहाराः बीर तोनोंग दिन वरी हड़ियड़ दोहोनता अरू तयोमरे झुरा जुवाःता। अरू होड़कू हना बीर ईर जुमावकेडखनकू बाल लोगोडता। हनारे हों भगवान हना बीरकून सुघरे तुलाकेरा। दो अपे भगवान एचेरे चिला लगा गुनमिनपे बिसवासगेतना? भगवान अपे लगा बीरकून अते बगरा नपाय सोनहे तुसिंगगे लगा ओरोय एमेतेरा जा?

मती ओजाःतेरा भगवानराः नपाय सरवन 6:32

मनदो भगवान मेरकू सुदीयता, हँकुःआ होड़कू नाःआ इयाःआ कताकूनकू ञामता अरू अपेरीग सेरमो देसरीग अपांग भगवान सुदीयतना अपेके नाःआ जमाकूनराः जरूरी इदा, माःआन।

मती ओजाःतेरा भगवानराः नपाय सरवन 7:11

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपेरीग सेरमो देसरीग अपापे भगवान एचेरेकू असेयता हँकुःआ होड़कू लगा नपाय जिनिसकून चिला लगा मेरेय एमेकेःआ?

लूका 11:12

अरू सिम बिलीय असेय दो चिडिंगे एमेवायता जा? ओरो!

लूका 11:2

ईसू हँकू एचेरेय कताया, “अपे अरजी मेलापे कताय, ने अपांग, आमराः ञाव सुद इदा, माःआनले मान मरजइत अवेय। आम अले तलारे राइजगे लगाम बुँहड़ीगे।

लूका 18:7

भगवान सुनावकेडकुःआ हँकुःआ होड़कू दिन रइत भगवान संघरावाकू लगाकू अरजी दो, भगवान हँकू ओरोय संघरावतेडकुःआ जा? हँकू संघरावकू लगा भगवान कुबेरगेताय जा?

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

रूमी 5:17

दो मिनी होड़, अदमराः कसूरते, अबू जमा होड़कू एचेरे गुजुः सेड़यावयना। अरू एटाः होड़, ईसू मसीते भगवान मुनुरुके मयावाडबूखन बेगर गारबार होड़कूय बड़ाँवकेडबुःआ। नाःआते अबू कसूर अरू गुजुःतेबू जीताव जुवाःता।

रूमी 7:18

ईंग जीवरे तोनोंगाः नपाय कोवानेःआ अरू ईंगराः लूर-नेवन बेनेलूरयना। दो हना अते ईंग नपाय एएचे लगायिंग चहाःतना, हना ओनोरिंग एचे अवेतेरा।

रूमी 8:32

भगवान, अनँयगरीग मिनीटोंग निकता बेटात, गुजुः लगा ओरोयिंग जिमातिडिया, माःआन मेरेय ओंगोलगाड, मनदो अबू जमाकू लगाय जिमागोतेडीग। दो हाँय, आँयग बेटात सुदा अबू लगा जमा बरानाः चिला लगा मेरेय एमेकेःआ?

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।