लूका 10:25 - Korwa Bible

²⁵ मी दिन मी होड़ नियम चेडदार होड़ ईसू अंदजावगे लगा हाँय एचेरेय मीटोंग सवाले होंबोरतेरा, “ने गुरुजी, ओरो टुटीगनेना हना जीव पवाः लगा चिलायिंग एचे?”

लूका 10:25 ပူးပေါင်းရင်းမြစ်များ

मरकूस 10:17

दो ईसू हना अते उडुंगनेनखन दूररेय सेन मेला मी होड़ ईसू एचेरे वेजेडखन उकुड़ोमनेनखने होंबरेःआ, “ने नपाय गुरुजी, ओरो टुटीगनेना हना जीव पवाः लगा चिलायिंग एचे?”

मरकूस 10:3

दो हाँय कतातेड, “भगवानराः कागदरे नाःआ कता बदीरे मोसेस चेले माःआने ओजाःकेरा?”

मरकूस 12:28

हनमेला नियम चेडदार होड़कू अते मी होड़ हंडाय दोहोना। ईसू सदूकी होड़कू एचेरे नपायतेय कता कुदातेरा। हनालगा हाँय ईसू एचेरे वेगेकियानखने होंबोरतेरा, “ने गुरुजी, जमाकून अते मरंग हुकुम चेले माःआन इदा?”

लूका 10:24

अपे ईंग कतापे अयूम, मुरुक भगवानराः बड़रा कता होड़कू अरू राजाकू अपे अयुमेतना हना बड़रा अयुमे लगा अरू अपे ञेलतना हना ञेल लगाकू चहाःआ। मनदो अपे ञेलतना अरूपे अयुमेतना हना हँकू मेरकू ञेल अयूम अवेगरा।”

लूका 10:26

दो ईसू होंबोर कुदातेरा, “भगवानराः नियमरे चेले माःआन ओजाःतो इदा? आम करा उड़ीम बछाःता?”

लूका 18:18

मी दिन मी होड़ हातपात होड़ ईसू एचेरेय होंबरेःआ, “ने नपाय गुरुजी, ओरो टुटीगनेना हना जीव पवाः लगा चिलायिंग एचेय?”

लूका 7:30

मनदो फरीसी होड़कू अरू नियम चेडदार होड़कू एहुनाराः बतिसमा मेरकू गोःगाड अते, भगवानराः हिछाकू टड़ावगोतेड।

एहुना 8:6

ईसू अंदजावकेडखन दाःगे लगा नाःआ सवालकू होंबोरतिडिया। मनदो ईसू हुटूकियानखन ओतरे अंगरीतेय ओजाःगेःआ।

गलातिया 3:18

भगवान अगीते अबू इताडबू पवाः लगा नियमकून अबू मनाः परावकुः दो भगवानराः जबानते अबू इताड ओरोबू पवावकुःआ। मनदो भगवान इबराहीम एचेरे जबानतेडखने इताडकेडबुःआ।