लूका 1:59 - Korwa Bible

⁵⁹ आठ दिनरे एहूदाकूराः रिवाज इया लँइगराः खतनारे जमाकू वेगनेना। दो हँकुःआ होड़कू हाँयग लँइगराः ञाव अपात जकरियाराः ञाव इया ञावगेय लगाकू ओंगलेःआ।

लूका 1:59 ပူးပေါင်းရင်းမြစ်များ

लूका 2:21

मरियम भरी-पावगुः अते मड़ंग, सेरमो देसरीग बराहील लँइगराः ञाव ईसू माःआन साब लगाय कतातेरा। दो हाँयग लँइग आठ दिनरे एहूदाकूराः रिती-बिधी इयाकू खतनातिरिया। दो हाँयराः ञाव, ईसू माःआनकू साबतेरा।

मूक चेलाकू 7:8

हनते खतना बदीरे भगवान इबराहीम सुदाय कता-जमकावतेरा। दो इबराहीमरीग बेटात इसहाक जनमावनेना हना आठ दिन तयोमरे इबराहीम हाँये खतनातेरा। हनन इया हना तयोमरे इसहाक एकूबरीग अपाते बड़ाँवनेना अरू एकूबरिकुःआ बारहगोटोंग बेटाकू होयानेना। हँकू अबूराः बारहगोटोंग गोतोररिकुःआ अआपकू दोहोना।

पिलिपी 3:5

नाःआ कता अयुमेपे, ईंग जनमावनेनते आठ दिनरे ईंगराः खतना होयानेना, अरू ईंग इसराएलरीग नइड़-बाँस होड़ हवे, अरू बिनियामीन गोतोर अतेयिंग जनमावकिया, अरू ईंग सताय एहूदा होड़ हवे, अरू एहूदाकूराः नियमकून नपायतेकू मनाःता हँकुःआ फरीसी गउदारीग होड़ हवे,