लूका 1:32 - Korwa Bible

³² हाँय जमाकूते मरंगे बड़ाँःता अरू भाबी भगवानरीग बेटात माःआनकू रगेयता, अरू हाँयरीग खुटिपरिया होड़ दाऊद इया भगवान हाँय राजाय बड़ँवेयता।

लूका 1:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:1

ईसू मसीराः खुटिपरिया होड़कूराः सूची कागद नाःआ इया इदा। ईसू मसी इबराहीमरीग नइड़-बाँस होड़ अरू दाऊद राजारीग नइड़-बाँस होड़ होंय दोहोना।

मती ओजाःतेरा भगवानराः नपाय सरवन 12:42

दखिन देसरीग रानी, सुलइमान राजाराः कनहून अयुमे लगा मुरुक लंकातेय वेगनेना। नुँहू सुलइमान राजा अते मरंगीग ईंग नंडा इदानिंगा। हनालगा दखिन देसरीग रानी फड़ियावराः दिनरे नाःआ जूगरिकुःआ होड़कूराः बदीरे चड़ाँवाडखन हँकूय जाःता।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।

मरकूस 14:61

हनते हों ईसू कलेकाले दोहोना अरू कही मेरेय सालगान। मूक पुजउरी अरूय होंबोरतिरिया, “हाँयग मुरुक नपाय भगवानरीग बेटात मसी अनम हवे जा?”

मरकूस 5:7

दो ईसू हाँयग भूत एचेरेय कताया, ने भूत, आम नाँयग होड़ अतेम उडुंग जुवाः, माःआन।

लूका 1:15

भगवान हाँय मरंगे ओंगलेयता अरू हाँय रंजावतो अंगूरराः रस सहे एटाः तोनोंगाः बुलुः जिनिस अलोय ञूय। हाँय एंगातराः दोनोंगे पेंदाते भगवानराः सुद बिरुवाते पेरेगतोय दोहोनता।

लूका 1:35

सेरमो देसरीग बराहील हाँय एचेरेय कताया, “सुद बिरुवा आम एचेरे वेगता अरू जमाकू अते मरंग भगवानराः जंगर आम एचेरे दोहोनता। हनालगा जनमावगुःताय हाँयग सुद लँइग भाबी भगवानरीग बेटा हवे, माःआनकू कतावायता।

लूका 1:76

“ने बाबू, आम भाबी भगवानराः बड़रा कता होड़ हवे, माःआनकू कतावामता। अरू परबू वेग अते मड़ंग, आम हाँय लगा दूरमे संजोड़ता।

लूका 3:16

दो एहुना हँकू एचेरेय कताया, “ईंग दाःते बतिसमायिंग एमेतना। मनदो ईंग अते मरंग मी होड़ वेगता। हाँयराः चाटीराः डोरा लड़ाः जुकूर हों ईंग कोवायिंगा। हाँय अपे सुद बिरुवाते अरू सेंगेलते बतिसमाय एमेवापेता।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

एहुना 12:34

दो होड़कू हाँय एचेरेकू कतातेरा, “अले भगवानराः कागद अतेले अयूमकेरा, मसी सगर सइट वरीय दोहोनता। दो मसी अरू मनुवारीग बेटात मिनी इदान होले, आम करा उड़ीम कतायतना, मनुवारीग बेटात ओत अतेकू रेनेमेयता, माःआन? दो मनुवारीग बेटात इये हवे?”

एहुना 6:69

अले आम एचेरे बिसवासकेडखनले सुदीगोतेडा भगवानरीग सुद होड़ अनम हवे, माःआन।”

मूक चेलाकू 16:17

हाँयग धंगड़ी पउलूस अरू एटाः एटाः होड़कू तयोम अगी वेगवाडखन खिररी घड़ीने कताया, नँकुःआ होड़कू भाबी भगवानरिकुःआ होड़कू हवे। होड़कू अँकूराः कसूर दूर अड़ाःकेडखन सडाव जुवाःराः दूरकू उदुःतना, माःआन।

मूक चेलाकू 2:30

मनदो हाँयग दाऊद राजा भगवानराः बड़रा कतायीग होड़े दोहोना अरू हाँय सुदीया, भगवान ईंग एचेरे किरिया जोमकेडखने जबानतेरा, आम तयोमरे आमरिकुःआ नइड़-बाँस होड़कू अते मी होड़ राजा आमराः गदीरेयिंग एचे दुड़ुःगेयता, माःआन।

मूक चेलाकू 2:36

दो जमा इसराएल होड़कू अपे नाःआ कता सुनुदीबाःकापे, अपे कुरूसरेपे एचे ठोंकाव गोएगतिरिया हनाँयग ईसू, भगवान मसी अरू परबूय बड़ाँवगोतेडिया।”

मूक चेलाकू 7:48

हनारे हों भाबी भगवान होड़कू तुलायता हना ओड़ाःरे मेरेय दोहोनता। भगवानराः बड़रा कतायीग होड़ कतातेरा हान इया,

रूमी 1:4

अरू भगवान हाँय गोएगतो अतेय जियाव रेमकिरिया अरू हना अते सुद बिरुवा अबूय उदुःवाता, ईसू भगवानरीग बेटात हवे अरू हाँय एचेरे जमालेःआ जंगर इदा, माःआन।

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,