जूदा 1:16 - Korwa Bible

¹⁶ हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

जूदा 1:16 ပူးပေါင်းရင်းမြစ်များ

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

लूका 19:7

नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 5:30

हना अयूमतेडखन फरीसी होड़कू अरू नियम चेडदार होड़कू ईसूरिकुःआ चेलाकू एचेरे कुरबुराः घड़ीनकू कताया, “अपे चिला लगा मलगुजारी गोः होड़कू अरू एटाः कसूर होड़कू सुदापे जोम ञूयता?”

एहुना 6:41

ईसू नाःआते गुनहोन मड़ंगरेय कतातेरा, सेरमो देस अते उतरावकिया हना रुटी, ईंग हवे। हनालगा एहूदाकू हाँय बदीरेकू कुरबुराःआ।

एहुना 6:61

ईसूरिकुःआ चेलाकू अँननकू अँकू कुरबुराःआ, हना सुदीतेडखन ईसू हँकू एचेरेय होंबोरतेरा, “नाःआ कता अते अपेराः जीव हुडिंगयना जा?

1 कुरिंती 10:10

हँकू अते अदोम होड़कू भगवान बदीरेकू कुरबुरावनेना अरू लाय एंडादार बराहील हँकूय लाय एंडातेरा। हनालगा अपे हों भगवान बदीरे अलोपे कुरबुराः।

गलातिया 5:16

मनदो ईंग कतायतना, सुद बिरुवाराः अगुवाइरेपे सलाव ञवन अरू अपेराः बेलूर ओंगोल इया अलोपे सलाः।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

पिलिपी 2:14

जमा इयाःआ बुता बेगर कुरबुराःते अरू बेगर अड़ा-चउकीतेपे बुता।

1 तिसलूनिका 4:5

अरू भगवान मेरकू सुदीयतना अरू मुहावकियानखन बेलूर ओंगोलरेकू दोहोनता हँकुःआ होड़कू इया अपे अहापे होयाः।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 तिमुतियूस 4:3

भगवानराः सताय सरवन अयुमे लगा होड़कू ओरोकू पतियावातेरा हना दिन निचकाःतना। मनदो अँननकूराः हिछा इयाःआ बड़रा अयूम लगाकू चहाःता अरू हनन इयाकुःआ चेडदार होड़कूकू ञाम अगुकूता।

1 पतरस 1:14

अपे भगवानराः कता मनावतो लइंकू इदानपेःआ। हनालगा अनसिनहारपे दोनोहोन मेलाराः बेलूर ओंगोलकून अपेराः जीवरे अहापे मेसा ओवा।

1 पतरस 2:11

ने ईंगरिकुःआ सउंगताकू, अपे नाःआ चउंदीसरे दुरीन देसरिकुःआ होड़कू इयापे दोहोनतना। हनालगा अपे एचे कसूरगे लगा लहरावपेता हना बेलूर ललची ओंगोलकून अड़ाः एंडाय लगा गोड़न-पइयनकेडपेखनिंग असेयतना।

1 पतरस 4:2

अरू हाँय नुँहू वरीते अनँयगराः मनबिदिया इया ओरोय जियावनेना, मनदो भगवानराः हिछा इयाय जियाःता।

2 पतरस 2:10

अँननकूराः बेलूर बुता ओंगोल इयाकू सलाःता अरू हातपात होड़कूकू आड-बेकारवाता, हँकुःआ होड़कू बदीरे नाःआ कता सताय हवे। हँकू बड़वारताकू अरू अँननकूराः मनबिदियारेकू दोहोनता। हँकू सेरमो देसरिकुःआ बराहीलकू हों ओपताकू लगा मेरकू बोरता।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

जूदा 1:15

भगवानराः ओंगोल अते एटाः इया गारबारकू एचेकेरा हँकुःआ जमा कसूर होड़कू अरू हाँयग ओंगोल इया कोवाकुःआ हँकुःआ कसूर होड़कू आँयग बदीरेकू कताकेरा हना जमा बेलूर बड़रा लगाय डंडियावकूता, माःआन।

जूदा 1:18

हँकू अपे एचेरेकू कतातेरा, चउंदीस टुटीगगुः अते मड़ंगाः बेला परबू अरू आँयगरिकुःआ होड़कूकू लंदावाता हँकुःआ होड़कू वेगता अरू जमा बरानाः बेलूर बेलूर बुताकूनकू एचेयता, माःआन।