एहुना 8:39 - Korwa Bible

³⁹ दो हँकू हाँय एचेरेकू कता कुदातेरा, “अले इबराहीमरिकुःआ नइड़-बाँस होड़कू इदानलेःआ।” दो ईसू कतातेड, “अपे इबराहीमरिकुःआ नइड़-बाँसपे दोहोकुः दो इबराहीम एचेया हनन इया अपे होँपे एचेकेःआ।

एहुना 8:39 ပူးပေါင်းရင်းမြစ်များ

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

एहुना 8:33

हनते हँकू कतातेड, “अले इबराहीमरिकुःआ नइड़-बाँसकू इदानलेःआ अरू अले तोनोंगीगरीग बेगारी होड़ मेरले बड़ाँवगान। दो आम करा इयाम कतायतना, अपे अजइत जुवाःतापे, माःआन?”

एहुना 8:37

ईंग सुदीयतना अपे इबराहीमरिकुःआ नइड़-बाँस होड़कू इदानपेःआ। मनदो ईंगराः कता अपे मेरपे मनेवातना। हनालगा अपे ईंग ञेड एंडागींग लगापे ओंगलेतना।

एहुना 8:43

अपे ईंगराः कता मेरपे अयुमेता। हनालगा ईंगराः कता अपे मेरपे बुझाव अवेनता।

एहुना 8:56

अपेरीग खुटिपहार होड़ इबराहीम ईंग चउंदीसरेयिंग वेगता हना दिन ञेल लगा असरा दोहोकेडखन बहालतेय दोहोना। अरू हाँय हनाय ञेलतेरा अरूय अहाल बहालयान।”

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

रूमी 4:16

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

रूमी 9:7

अरू हँकू इबराहीमरिकुःआ नइड़-बाँस होड़कू होयाकियान अते सतायरे हाँयरिकुःआ लइंकू ओरोकू बड़ाँवनेना। इबराहीमरिकुःआ मुरुक बगरा लइंकू दोहोना, मनदो भगवान हाँय एचेरेय कतातेरा, “आमरीग बेटा इनिसहाकते आमरिकुःआ नइड़-बाँस होड़कू बड़ाँःता।”

गलातिया 3:29

अरू अपे ईसू मसीरिकुःआ होड़कू इदानपेःआ दो इबराहीमरिकुःआ नइड़-बाँस होड़कूपे बड़ाँवकिया अरू जबान इया इताडदारकूपे बड़ाँवकिया।

गलातिया 3:7

नाःआ कता अपे सुदीगे लगा इदा। भगवान एचेरेकू बिसवासगेता, हँकुःआ होड़कू इबराहीमरिकुःआ लइंकू हवे।