एहुना 8:23 - Korwa Bible

²³ हनते ईसू अरूय कताया, “अपे नानाः ओतरिकुःआ होड़कू हवे अरू ईंग सेरमोरीग हवे। अपे नाःआ चउंदीसरिकुःआ होड़कू हवे अरू ईंग ना लवे।

एहुना 8:23 ပူးပေါင်းရင်းမြစ်များ

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 17:14

ईंग आमराः सरवन हँकू एचेरेयिंग उदुःगोतेरा। ईंग चउंदीसरीग होड़ ना लवे, हनन इया हँकू हों चउंदीसरिकुःआ होड़कू ना लवे। हनालगा चउंदीसरिकुःआ होड़कू हँकूकू हिनइस-बिनइसवातना।

एहुना 17:16

ईंग चउंदीसरीग ना लवे हनन इया हँकू हों चउंदीसरिकुःआ ना लवे।

एहुना 3:13

सेरमो देस अतेय वेगनेना हनाँयग मनुवारीग बेटात एकला सेरमो देसे सेनेकिया।”

एहुना 3:31

“सेरमो देस अतेय वेगता हाँयग होड़ जमाकू अते मरंग इदानिया। चउंदीसरेय जनमावकिया हाँय नानाः चउंदीसराः कताकूने कतायता। हनालगा सेरमो देस अतेय वेगता हाँयग होड़ जमाकू अते अगम मरंगे दोहोनता।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।