एहुना 7:19 - Korwa Bible

¹⁹ मोसेस अपे लगा भगवानराः नियमे एनेमेकेरा। मनदो अपे अते तोनोंगीग हना नियम इया मेरपे सलाःतना। दो अपे चिला लगा ईंग जाः घड़ीन ञेड एंडायिंग लगापे ओंगलेतना?”

एहुना 7:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:14

मनदो फरीसी होड़कू हंडा अते तोराकू अरू ईसू ञेड एंडाय लगाकू ओंगोलतेरा।

मती ओजाःतेरा भगवानराः नपाय सरवन 21:38

मनदो हँकुःआ अधियादारकू बेटात ञेलतेडखनकू कता होड़ेंगा, ननाँय हवे नाःआ बगइचारीग इताडदार। दबूपे, नाँयबू ञेड एंडाय अरू नाँयराः इताड अबू गोःयाता।

मरकूस 11:18

ईसूराः चेड अयूम घड़ीन जमा होड़कू बयाव जुवाःआ। हनालगा मूक पुजउरीकू अरू नियम चेडदार होड़कू ईसू मुरुककू बोरोवाया अरू हाँय ञेड एंडागेय लगा हाँयराः कसूरकू ञामा।

मरकूस 3:4

हनते ईसू हँकू एचेरेय होंबोरतेरा, “लोड़ोनराः दिनरे नियम इया नपाय एचे लगा इदा जा बेलूर? जीव बनसावगे लगा इदा जा ञेड एंडा लगा इदा?” मनदो हँकू कलेकालकू दोहोना।

मरकूस 3:6

हनते फरीसी होड़कू बहरी उडुंगवाडखन हरदोसरिकुःआ चेलाकू सुदा जुमावनेनकूखन ईसू एचे ञेड गोजेय लगाकू राइयान।

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 10:39

हनते हाँय अरू सबेय लगाकू कुरनिसतेरा। मनदो हाँय हँकूराः तिःई अतेय बोड़ेड उडुंगयान।

एहुना 11:53

दो हना अते हँकुःआ एहूदाकूरिकुःआ मूक होड़कू ईसू ञेड गोजेय लगा बुइदकू तुलाःआ।

एहुना 5:16

ईसू नाःआ जमाकून लोड़ोनराः दिनरेय एचेतेरा। हनालगा एहूदाकू हाँय संताव लगाकू बुँहड़ीतेरा।

एहुना 5:18

ईसू लोड़ोनराः दिन मेरेय मनावगाड अरू हाँय भगवान ईंग अपांग माःआन कता घड़ीन ईंग भगवान इया इदानिंगा, माःआने कतानता। हना ओजाहते एहूदाकू ईसू ञेड गोजेय लगा अरू मुरुककू कुरनिसतेरा।

एहुना 5:45

“अपे अहापे ओंगले, ईंग अपांग मड़ंगरे अपेयिंग जाःता, माःआन। अपे भरसागेतना हाँयग मोसेस हवे अपेरीग जाजाःयीग होड़।

एहुना 7:1

हना तयोमरे ईसू गलील छतरराः एटाः गाँव सहरकूनरेय दँड़ा सेना। एहूदा होड़कूरिकुःआ मूक होड़कू ईसू ञेड एंडा लगाकू ओंगलेःआ। हनालगा हाँय एहूदिया छतर सेन लगा मेरेय चहाःआ।

एहुना 7:25

हनते एरुसलेमरिकुःआ होड़कू अते अदोम होड़कू होंबोरतेरा, “ञेड एंडाय लगाकू ओंगलेतना हाँयग होड़ ननाँय हवे जा?

मूक चेलाकू 7:38

सेरमो देसरीग बराहील सीनाई पहाड़रे मोसेस एचेरेय बड़रानेन मेला मोसेस टयंगाब ततेररे भगवानरिकुःआ होड़कू दोहोना अबूरिकुःआ खुटिपरिया होड़कू सुदाय दोहोना। अरू हाँयग मोसेस भगवान अगीते अबूय एमेवा लगा जीयत सरवने पवावकिया।

गलातिया 3:19

दो नाःआ नियमकून चिला लगा भगवान अबूय एमेवातेरा? अबू कसूर होड़कू हवे माःआन उदुःगे लगाय एमेतेरा। मड़ंगरे भगवान जबानतेरा हाँयग नइड़-बाँस होड़ अरीने वेग वरी नाःआ नियमकून सलावनेना। अरू नाःआ नियमकून सेरमोरिकुःआ बराहीलकूते मोसेस बिच-बिचवाई होड़ साबतेडखन होड़कू एचेरे भगवान कता उदुःतेरा।

गलातिया 6:13

खतनाकिया हँकुःआ होड़कू, अँननकू मोसेसराः जमा नियमकून मेरकू मनाःता। मनदो हँकू अपे एचे खतनाकेडपेखन अँननकू बड़वार लगाकू रेनहापेता।