एहुना 7:14 - Korwa Bible

¹⁴ दो परोब चइर दिन होयानेन दो ईसू भगवानराः ओड़ाःरे सेनेकियानखन होड़कू चेड लगाय बुँहड़ीतेरा।

एहुना 7:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:12

ईसू भगवानराः ओड़ाःरे बोलोकियानखन फेरवइत होड़कू जमाकूय जोः उडुंगगोतेडकू अरू ढिबुवाकू बदलाःआ हँकुःआ होड़कूराः टिबुलकून अरू पेरवाँ तितीगकूकू अकरिंगा हँकुःआ होड़कूराः मछिलाकूने उलटाव एंडागोतेडे।

मती ओजाःतेरा भगवानराः नपाय सरवन 26:55

हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

लूका 19:47

ईसू सगर दिन भगवान ओड़ाःरे सेनेकियानखन होड़कूय चेडा। मरंग पुजउरीकू अरू नियम चेडदार होड़कू अरू एटाः हातपात होड़कू ईसू ञेड एंडाय लगा दोंगकू ञामा।

एहुना 18:20

ईसू हाँय एचेरेय कतातेरा, “ईंग जमा होड़कू मड़ंगरेयिंग कता उदुःतेरा। एहूदाकू जुमाःता हना अरजी ओड़ाःकूनरे अरू भगवानराः ओड़ाःरेयिंग कता उदुःतेरा अरू ओकोकियानखन तोनोंग इया मेरिंग कतागरा।

एहुना 5:14

तयोमरे ईसू सुदा हाँयग होड़ भगवानराः ओड़ाःरेय जुमावनेना। अरू ईसू हाँय एचेरेय कतातेड, “ञेलमे! आम नपाययना। अरू अहम कसूरगे। नाःआ अते बगरा तोनोंग इयाःआ गराह कटसिया आम एचेरे अहा होयाः।”

एहुना 7:2

मनदो एहूदाकूराः कुंबाराः परोब सुदुरुः मेला,

एहुना 7:28

हनते ईसू भगवानराः ओड़ाःरे चेचेड मेला मुरुक सटीय कताया, “अपे ईंगपे सुदीयिंगतना अरू ईंग करा अगीतेयिंग वेगकिया हना होँपे सुसुदीतना। ईंग इनिंगते मेरिंग वेगगना। ईंगे वारकेरा हाँय सताय इदानिया अरू अपे हाँय मेरपे सुदीयतना,

एहुना 7:37

मइद दिन दोहोना हना परोबराः चबान दिन, ईसू भगवानराः ओड़ाःरे चड़ाँनेनखन मुरुक सटीय कताया, “तोनोंगीग होड़ ततंगतो इदानिया दो हाँय ईंग एचेरेय वेग अरूय ञूय।

एहुना 8:2

अंगुः निंदावा ईसू भगवानराः ओड़ाःरेय सेनेडा दो मुरुक होड़कू हाँय एचेरेकू जुमावयान। हनते ईसू दुड़ुःनेनखने चेडकुःआ।

एहुना 8:20

नाःआ कता भगवानराः ओड़ाःरे दसिना बकसा धरीरे ईसू चेचेडा। मनदो हाँय एचे साबेयराः बेला मेर होयागान, हनालगा तोनोंगीग मेरकू साबगडीग।