48 ओरो टुटीगनेना हना जीव एमेयता हना रुटी ईंग हवे।
बेगर गारबार जीव जियाः लगा रंगेगतो अरू ततंगतो इदानकुःआ, हँकुःआ होड़कूराः जीव-जहन भगवान भलावाडखने नपायगेयता, अरू हँकुःआ होड़कू संतोक जुवाःता।
ईसू नाःआते गुनहोन मड़ंगरेय कतातेरा, सेरमो देस अते उतरावकिया हना रुटी, ईंग हवे। हनालगा एहूदाकू हाँय बदीरेकू कुरबुराःआ।
सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”
