एहुना 6:40 - Korwa Bible

⁴⁰ ईंगरीग अपांगराः ओंगोल नाःआ हवे। बेटातकू ञेलता अरू हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाःता अरू हँकू ईंग टुटीगगुःराः दिनरेयिंग जियाव रेमकूता।”

एहुना 6:40 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:15

अपे ईंगपे अयूम! फड़ियावराः दिनरे नाःआ सहररिकुःआ होड़कू, सोदोम अरू गोमोरा सहररिकुःआ बेलूर होड़कू अते बगरा डंडकू पवाःता।”

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मरकूस 16:16

नाःआ सरवनकू बिसवासकेडखन बतिसमाकू गोःता, हँननकुःआ होड़कू भगवान सडावकूता। मनदो मेरकू बिससवासगेता, हँकुःआ होड़कू भगवान डंडियाकूताय।

लूका 2:30

आम वारकिरिया हाँयग सडावदार नुँहू इनिंग ईंग ञेलगोतेडिया।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

एहुना 11:24

मारता कतातेड, “ईंग सुसुदीतना टुटीग दिनरे हाँय अरूय जियाव रिमुःता।”

एहुना 11:25

दो ईसू हाँय एचेरेय कतातेरा, “गोएगतो होड़कू, अरू जियाव रेमकूयीग अरू जीव एमेयीग इनिंग हवे। ईंग एचेरेय बिसवासगेता हाँयग होड़, गोएग जुवाः होंय जियाव जुवाःता।

एहुना 12:45

हाँय ईंगे ञेलतान दो ईंगे वारकेरा हाँये ञेलता।

एहुना 12:50

ईंग कता उदुःगे लगा इदा हना सरवन ईंग एचेरे अपांग कताकेरा अरू हनन इया ईंग कता उदुःगेता। हनालगा ईंग सुदीयतना हाँयराः हुकुमकून ओरो टुटीगनेना हना जीव अगी गोःकूता।”

एहुना 14:17

हान सतायराः बिरुवा हवे। चउंदीसरिकुःआ होड़कू हान मेरकू ञेल अवेयता अरू मेरकू सुदी अवेयता। हनालगा हँकू हाँयराः कता मेरकू मनेवाता। मनदो हाँय अपे सुदा इदानिया अरू हाँय अपे सुदाय दोनोहोगोड ञवनता। हनालगा अपे हाँयपे सुदीयता।

एहुना 14:19

ईंग जीयत इदानिंगा, हनलगा अपे हों जीयतपे दोहोनता। गुनहोन बेला तयोमरे चउंदीसरिकुःआ होड़कू ईंग ओरोकू ञेल अवेतिरिंगा, मनदो अपे ईंगपे ञेल अवेता।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 3:36

बेटात एचेरेय बिसवासगेता हाँयग होड़ ओरो टुटीगनेना हना जीवे पवाःता। मनदो बेटाते आड-बेकारवाता हाँय, ओरो टुटीगनेना हना जीव ओरोय पवावनेना अरू भगवान हाँय सुदा मुरुक रीसतोय दोहोनता।”

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 6:39

ईंगे वारकेरा हाँयराः ओंगोल ननानाः हवे; हाँय ईंग एचेरेय जिमाःकेडकुःआ हँकुःआ होड़कू अते तोनोंगीग होड़ ओरोयिंग केड़ेतेडकुःआ, मनदो टुटीग दिनराः फड़ियावरे हँकूयिंग जियाव रेमकूता।

एहुना 6:44

ईंगे वारकेरा, ईंगरीग अपांग तोनोंगीग होड़ मेरेय रगेय दो, हाँयग होड़ ईंग एचेरे ओरोय वेगनेना अरू ईंग एचेरेय वेगता हाँयग होड़ टुटीगगुःराः दिनरे ईंग जियाव रेमगेयता।

एहुना 6:54

ईंग एचेरे बिसवासकेडखन ईंगराः मासे जोमता अरू ईंगराः बलंगीय ञूयता, हनाँयग होड़ ओरो टुटीगनेना जीवे पवाःता। अरू टुटीगगुःराः दिनरे ईंग हाँयिंग जियाव रेमगेयता।

एहुना 8:56

अपेरीग खुटिपहार होड़ इबराहीम ईंग चउंदीसरेयिंग वेगता हना दिन ञेल लगा असरा दोहोकेडखन बहालतेय दोहोना। अरू हाँय हनाय ञेलतेरा अरूय अहाल बहालयान।”

रूमी 5:21

जेमहा कसूरते जमा होड़कू एचेरे गुजुः सेड़यावयना हनन इया अबूरीग परबू ईसू मसीते बेगर गारबार होड़कूय बड़ाँवकेडबुःआ अरू ओरो टुटीगनेना हना जीवबू पवाः।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

इबरानी 11:1

अबूराः बिसवास अबू असराता हना कताकून पका-निकागोडता अरू मेरबू ञेनेलता, हना कताकून सनाताय हवे माःआन एचे सुदीबाःकाता।

इबरानी 11:27

बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

जूदा 1:21

अपे अँननपे अपे भगवानराः दुलाररे बड़ियाड़पे दोहोन अरू मयावाडबूखन ओरो टुटीगनेना हना जीव एमेवाबूता अबूरीग परबू ईसू मसीपे टोँहागोड ञवन।